صدرمملکت ممنون حسین دا''پاک چین اقتصادی راہداری ، مواقع اتے چیلنجز ''دے موضوع تے سیمینار توں خطاب

صدرمملکت ممنون حسین دا''پاک چین اقتصادی راہداری ، مواقع اتے چیلنجز ''دے موضوع تے سیمینار توں خطاب

اسلام آباد (پاکستان نیوز پوائنٹ 29مارچ2017ء) صدرمملکت ممنون حسین آکھیا ہے جو پاک چین اقتصادی راہداری دی تکمیل دت بعد پاکستان اتے اے خطہ دنیا دے نال نویں سروں جڑ ویسی ، سائنس دان اتے انجینئرز اقتصادی راہداری کو ںکامیاب بنڑاونڑ اچ بہوں اہم کردا ر ادا کر سگدے ہن کیوں جو راہداری فعال تھیونڑ دے بعد خطے اچ نویں ٹیکنالوجی امسن تے نویں کاروباری شروع تھیسن ایں چیلنج نال نبڑنڑ سانگے اساکوں وڈی تعداد اچ افرادی قوت دی ضرورت ہوسی ۔

پاکستان تعلیمی دے تعلیمی اداریں کوں چین تے دنیا دے بئے حصیں اچ علوم فنون دے اداریں دے نال سانجھے منصوبے شروع کرنڑے چاہیدے ہن ۔صدر مملکت اے گالھ نیشنل یونیورسٹی فار سائنس اینڈ ٹیکنالوجی اتے انسٹیٹیوٹ آف انجینئرز پاکستان دے اہتمام نال پاک چین اقتصادی راہداری، مواقع اتے چیلنجز دے موضوع تے ہک سیمیناز توں خطاب کریندے ہوئیں آکھی۔ ایں موقع تے سائنس اتے ٹیکنالوجی دے وفاقی وزیر رانا تونیویر حسین، پاکستان اچ چین دے سفیر سن دی ڈونگ اتے بئیں وی خطاب کیتا صدر مملکت آکھیا جو پاک چین اقتصادی راہداری دے منصوبے تے کم شروع تھیونڑ تے ایندی تکمیل دے اساڈا ملک تے خطہ بری، بحری اتے فضائی ذریعے نال پوری دنیا دے نال ہک نویں طریقے نال جڑ ویسی جیں پاروں صنعت تے تجارت ہی نی بلکہ ٹیکنالوجی دے شعبے اچ وی انقلاب آسی ،جیں دی نظری اساکوں ماضی اچ نی ملدی ۔

صدرآکھیا جو مواصلاتی رابطے تے کاروباری موقع تے چنگے طریقے نال فیض یاب تھیونڑ سانگے ضروری ہے جو بدلدتے ہوئے حالاٹ اچ ذمے واریاں سانبھنڑ سانگے اساکوں ملک دے اندر توں ہی سائنس دان، انجینئرز اتے مختلف شعبیں دے ماہرین دستیاب تھی ویسن ، ایں سانگے اساڈے کوںمعلوم ہوونڑاں چاہیدا ہے جو مستقبل اچ کاروبار دیاں صورتاں ہوسن تے نویں کاروباری کیرھیاں صنعتاں تے ٹیکنالوجی کوں ایں خطے اچ لاونڑ دا ذریعہ بنڑ ویسن ، انہاں موضوعات تے وی غور شروع کر ڈتا ویسی تے باہرلے ملک انہاں شعبے دے ماہرین دے علاوہ خاص طور تے چینی ماہرین دے اداریں دے نال نیڑے دے رابطے قائم تھی ویسن ۔

ایں موقع تے وفاقی وزیر رانا تنویر حسین خطاب کریندے ہوئیں آکھیا جو پاکستان تکھے ترقی دے پاسے ٹردا پئے ،اقتصادی راہداری ایں ترقی اچ اہم کردار ادا کریسی ۔سیمینار توں خطاب کریندے ہوئیں پاکستان اچ چین دے سفر سن وی ڈونگ آکھیا جو اقتصادی راہداری دا منصوبہ ایں خطے سانگے ون بیلٹ ون دے وژن دا عکاس ہے ۔