قومي اسيمبلي جي اسپيڪر پاران نئين تڪ بندين جي حوالي سان ميمبرن جي خدشن جو نوٽيس
اسلام آباد (پاکستان نیوزپوائنٹ 13مارچ2018ء) قومي اسيمبلي جي اسپيڪر سردار اياز صادق نئين تڪ بندين جي حوالي سان ميمبرن جي خدشن جو نوٽيس وٺندي سمورين پارلياماني پارٽين تي مشتمل ڪميٽي جوڙڻ تي راضپي جو اظهار ڪيو ۽ چيو ته ڪميٽي نئين تڪ بندين جي حوالي سان ميمبرن جا خدشا ختم ڪرڻ لاءِ اليڪشن ڪميشن سان ڳالهيون ڪندي.
ڪالهه اڱاري ڏينهن قومي اسيمبلي ۾ وفاقي وزير دانيال عزيز چيو ته اليڪشن ڪميشن طرفان نئين تڪ بندين جي حوالي سان آئين کي اورانگهيو ويو آهي، هن ان معاملي تي ايوان جي ڪميٽي جوڙڻ جي تجويز ڏني جنهن تي اسپيڪر سردار اياز صادق چيو ته اليڪشن ڪميشن جي عملدارن سان ملاقات جي لاءِ سمورين پارلياماني پارٽين تي مشتمل ڪميٽي جوڙي وڃي ته جيئن تڪ بندين جي حوالي سان خدشا ختم ڪري سگهجن، هي عمل آئيني طريقيڪار تحت اڳتي وڌڻ گهرجي.