زمونږ تاريخ د 23 مارچ په ډول بله كومه ورځ نه لري ولې چې په دغه ورځ زمونږ مشرانو پرېكړه كړې وه چې د بهرنيو حكمرانانو او متعصب اكثريت غاصبانه طرز عمل ته ماتې وركولو سره دخپل قمست مالكان په خپل جوړ شي۔ د اولس مشر ممنون حسېن د پاكستان ورځې په مهال پرېډ ګراؤنډ كَښې دستورې ته خطاب اولس مشر ممنون حسېن د ترهګرۍ او انتهاخوښۍ ختمولو له د وركړې كېدونكو قر بانيو په اعتراف كښې وسله والو ځواكونو او د قانون نافذ كوؤنكو ادارو لپاره يو نوي مېډل "تمغه عزم" اعلان كړو

اسلام آباد (پاکستان نیوزپوائنٹ 23مارچ2018ء) اولس مشر ممنون حسین وئيلي دي زمونږ تاريخ د 23 مارچ په ډول بله كومه ورځ نه لري ولې چې په دغه ورځ زمونږ مشرانو پرېكړه كړې وه چې د بهرنيو حكمرانانو او متعصب اكثريت غاصبانه طرز عمل ته ماتې وركولو سره دخپل قمست مالكان په خپل جوړ شي۔

ددې خيالاتو څرګندونه اولس مشر د جمعې په ورځ پرېډ ګراؤنډ كښې د پاكستان ورځې په مهال راجوړې كړې شوې خاص دستورې ته خطاب كښې وكړه۔

دستوره كښې د سري لنكا اولس مشر میتھری پالا سری سینا، وزیراعظم شاھد خاقان عباسی، د جوائنټ چیفس آف سټاف کمېټی چیئرمین جنرال زبیر محمود حیات، د پاك پوځ سرلښكر جنرل قمرجاوېد باجوه، دهوائي ځواك مشر یئرچیف مارشل مجاھد انورخان، د سمندري ځواك مشر ظفرمحمود عباسی، د دفاع وزير انجینئر خرم دستګیرخان ، د بېلو هېوادنو سفيرانو ٬ پارلماني غړو ٬ وفاقي وزيرانو او د نورو هېوادونو يو شمېر پوځي چارواكو په شمول ګڼ شمېر عام وګړو ګډون وكړو۔

اولس مشر ووئيل په دې ورځ زمونږ مشرانو د يو داسې نوي ٬ مضبوط او جمهوري هېواد جوړولو پرېكړه كړې وه چرته چې څوك په چا ظلم و نه كړې شي او نه د چا استحصال وكړې شي۔

دا خوب ريښتيا كولو له قربانۍ وركوؤنكو خپلو لارښودو ٬ برزګانو ٬ شهيدانو او غازيانو ته د عقيدت پېرزوينې وړاندې كوؤ۔

ده ووئيل دا په زړه پورې پرېډ زمونږ د خوبونو يو ښكلې تعبير دے۔ ده ووئيل ددې مهم قامي اختر په مهال زمونږ غوره ملګري هم د پرېډ په شمول د پاكستان ورځې نورو دستورو كښې ګډون كوي او دې مقصد لپاره د سری لنکا اولس مشر میتھری پالا سری سینا په خاص توګه پاكستان ته راغلې۔

ټول اولس ته ده ته هركلې وائي۔ اولس مشر ووئيل د پاكستان ورځې په موقع پرېډ كښې خصوصي ګډون كوؤنكو د ترکیه، اردن او متحده عرب امارات پوځي ډلو هم تود هركلې كوؤ۔

اولس مشر ووئيل دې كښې هېڅ شك نشته چې نړيوال امن او سلامتيا لپاره به زمونږ ملګرتيا او مرسته راتلونكو ورځو كښې لا زياته شي او هم دا زمونږ د خارجه پالېسۍ بنياد دے ځكه مونږ د منطقې د امن او پرمختګ مخالفينو ته د خېرسګالۍ پیغام وركول ضروري ګڼو ولې دې سره سره دا په ډاګه كول غواړو چې زمونږ امن كښې خوښي لرل زمونږ كمزوري ګرځول به يوه خطرناكه غلطي وي۔

اولس مشر ووئيل قامی او سيمه ايز تعمير او پړمختګ له ضروري ده چې هر ډول جارحيت ٬ استحصالی عزائمو او د نورو داخلي چارو كښې دې لاس وهنه و نه كړې شي۔

پاكستان په دې اصول كار كوي او نړيواله ورورولي به هم ددې مسلمه اصولو خيال ساتي۔ ده ووئيل پاك پوځ ددې جذبې ترمخه د ملګرو ملتونو پلېټ فارم څخه د نړۍ په

بېلو برخو كښې امن په ځائې كولو له خذمات ترسره كړي دي او دا لړۍ نن هم روانه ده۔

اولس مشر ووئيل افغانستان كښی د ناامنۍ ختمولو او د افغان حكومت عملداري باوري كولو له پاكستان تاريخ جوړونكې كردار ترسره كړې او خپل كردار به خپلو ملګرو او همكارو سره سباؤن كښې هم ترسره كوؤ۔

اولس مشر ووئيل دا دور د سوليزې بقاﺀ باهمي اصولو ترمخه د يو بل جائزې ګټې تر نظر لاندې نيولو سره د وړاندې تلو غوښتنه كوي۔

اولس مشر ووئيل په ختيځ كښې زمونږ ګاونډي خپل پوځي طاقت كښې پرله پسې زياتوالې كوي۔ په لائن آف کنټرول او ورکنګ باؤنډری د جارحيت د لارې د بې ګناه وګړو ځان او مال ته زيان رسوي۔

زمونږ د ګاونډي هېواد دې غېر ذمه وارې رويې د منطقې امن د منځه وړلې دې۔ اولس مشر هند ته خبردارې وركړو چې مقبوضھ کشمیر كښې د آزادۍ په روان تحريك زور ظلم او زياتې كول بند كړي ولې چې د آزادۍ د تحريكو مخه د طاقت د لارې نيولې كېدې نه شي۔

ده ووئيل د كشمير مسئلې يوازنې حل د ملګرو ملتونو د قراردادونو په رڼا كښې د استصوابِ رائے د لارې د خپلواكۍ حق بحالي ده او پاكستان به دې مقصد لپاره خپل كردار ترسره كوي۔

اولس مشر ووئيل د تېرو درې لسيزو په مهال په منطقه كښې رامخې ته شويو بدلونونو او جنګ جھګړې د سيمې امن او استحكام د منځھ وړلې چې ورسره په پاكستان هم اغېز راغلې۔

ده وئيل پاكستاني اولس او ځواكونو د آپرېشن ضرب عضب او رد الفساد په ډول كاروايو د لارې د دې چېلنج مقابله عزم او همت سره كړې او اولس ددوئي هڅو ته د قدر په سترګه ګوري۔

اولس مشر د ترهګرۍ او انتهاخوښۍ ختمولو له د وركړې كېدونكو قر بانيو په اعتراف كښې وسله والو ځواكونو او د قانون نافذ كوؤنكو ادارو لپاره يو نوي مېډل "تمغه عزم" اعلان كړو۔

اولس مشر ووئيل دوه ټاكلي حكومتونه خپله موده ترسره كولو كښې كامياب پاتې شوي دي۔ په دې معاملو كښی كه د ځينو طبقو كوم تحفظات وي نو ضروري ده چې هغې پلو پام وګرځولې شي۔

دغسې چې د انتها خوښۍ په شمول د قامي ژوند بېلو مېدانونو كښې د ترلاسه كېدونكو كاميابو تسسلسل روان وساتلې شي۔ اولس مشر د پاكستان ورځې په مهال د پرېډ په ښه ډول كولو پرېډ کمانډر، ګډون كوؤنكو ٬ انتظاميې او ضلعي حكومت ته شاباش وركولو سره ووئيل مونږ ته په خپلو چارواكو او د ځوانانو په چمتو والي او پېشه ور معيار وياړ دے۔

ده خپلو نامتو افسرانو او ځوانانو ته نصيحت كولو سره ووئيل دوئي دې د هېواد حفاظت او سلامتيا له اخلاص او ايماندارۍ سره خپلې آئيني ذمه وارۍ ترسره كوي ۔ ددې مقدس فريضې ادا كولو كښې به دوئي مونږ ځان سره اوږه په اوږه مومي۔