امریکا اعتباردے قابل نہیں اے: وزیر خارجا ایران

تہران(پاکستان پوائنٹ نیوز25۔ستمبر2017ء) ایرانی وزیر خارجا محمد جواد ظریف نے آکھیا اے کہ امریکا جو کُجھ وی کر رہیا اے ایہدے توں ظاہر ہو رہیا اے کہ اوہدے اُتے اعتماد نہیں کیتا جا سکدا۔

ایرانی خبر رساں ادارے مطابق وزیر خارجا محمد جواد ظریف نے امریکی چینل ’سی این‘ نال گل بات کردے ہوئے آکھیا کہ امریکی صدر ڈونلڈ ٹرمپ جے ایٹمی سمجھوتے توں وکھ ہوندے نیں تے دنیا دے سارے ملک ہر طرحاں دے مذاکرات بارے ٹرمپ دے مقصداں اُتے شک دا وکھالا کرن لگ پین گے تے امریکا دے غیر معتبر ہو جان نال کوئی ملک اوہدے نال مذاکرات نہیں کرے گا ایس لئی اوہ صرف اپنے ذاتی مفاداں نوں مُکھ رکھدا

اے۔

اوہناں نے ایران ولوں ایٹمی سمجھوتے دی پابندی اُتے امریکا دی تصدیق یاں ایٹمی سمجھوتے توں امریکا دے نکلن دی صورت وچ ایران دے ردعمل بارے کیتے جان والے اک سوال دے جواب وچ آکھیا کہ ایہ مسئلا آپ امریکا نال جُڑیا اے کہ جس ایٹمی سمجھوتے نال کوئی تعلق نہیں اے تے صرف آئی اے ای اے نوں ایہ حق حاصل اے کہ اوہ ایٹمی سمجھوتے اُتے ایران دے کاربند ہون بارے اپنے نقطہ نظر دا وکھالا کرے۔

محمد جواد ظریف نے ایرانی شہریاں نال ٹرمپ دے ہمدردی دے وکھالے نوں توہین جوگ قرار دیندے ہوئے آکھیا کہ ایرانی شہریاں اُتے لائیاں جان والیاں سفری پابندی ایرانی عوام دی توہین اے۔