سعودی عرب وچ سوانیاں نوں ڈرائیونگ دی اجازت‘ لکھاں پاکستانیاں دے روزگار کُھس جان دا امکان
ریاض(پاکستان پوائنٹ نیوز27۔ستمبر2017ء) سعودی عرب وچ سوانیاں نوں ڈرائیونگ دی اجازت دتے جان مگروں لکھاں پاکستانیاں دے روزگار کُھس جان دا امکان اے۔
تفصیل مطابق سعودی حکومت ولوں پہلی وار سوانیاں نوں ڈرائیونگ دی اجازت دے دتی گئی اے۔ سعودی حکومت دے ایس فیصلے نوں جتھے تواریخی قرار دتا
جا رہیا اے اوتھے ایہ فیصلا سعودی عرب وچ ڈرائیونگ دے شعبے نال جُڑے لکھاں پاکستانیاں اُتے بجلی بن کے ڈِگ پیا اے۔
کیونکہ سوانیاں ہن آپ گڈی ڈرائیو کر کے کیتے وی جا سکن گیاں۔ ایس لئی ڈرائیونگ دی نوکری اُتے رکھے گئے لکھاں ڈرائیور ممکنہ طور اُتے اپنیاں نوکریاں توں ہتھ دھو پین گے۔