گروگرمیت سنگھ اپنی خفیہ غار وچ بگ باس ورگا شو کرواندا سی: ہنی پریت دے سابق خاوند دا دعوا

نویں دِلی(پاکستان پوائنٹ نیوز23۔ستمبر2017ء) گرو گرمیت دی سوتیلی دھی ہنی پریت دے سابق شوہر نے دعوا کیتا اے کہ ڈیرہ سچا سودا دا مذہبی پیشوا گرو گرمیت اپنی خفیہ غار وچ بگ باس ورگا شو کرواندا سی۔

تفصیل مطابق ڈیرہ سچا سودا دے مذہبی پیشوا گرو گرمیت سنگھ دی سوتیلی دھی تے اوہدی مبینہ جانشین ہنی پریت دے سابق شوہر نے دعوا کیتا کہ گرو گرمیت سنگھ اپنی خفیہ غار وچ پر اسرار سرگرمیاں کرواندا سی۔

اوتھے کسے وی باہرلے بندے

نوں جان دی اجازت نہیں ہوندی سی ۔ اوتھے رہن دوران گرو گرمیت دے کئی حکماں دی پابندی کرنی پیندی سی۔

ہنی پریت دے سابق شوہر دا کہنا اے کہ اوہ وی اجیہے شو دا حصہ رہ چکیا اے جتھے اوہ اپنی بیوی نال 28دن رہیا ۔ ایتھے حصہ لین والے کئی جوڑے ہوندے سن جو گرو گرمیت دے ذکر کیتے گئے شو دا حصہ بندے سن۔

یاد رہوے کہ گرو گرمیت سنگھ ایس ویلے اپنیاں ای پیرو کار دو سوانیاں نال جنسی زیادتی دے جرم وچ 20سال قید دی سزا کٹ رہیا اے۔