پاناما کیس وچ وزیر اعظم نوں کلین چٹ نہیں ملے گی: بابر اعوان شریف فیملی کول دفاع لئی کُجھ ہوندا تے اوہ ٹریک ٹو نہ ورتدے: پرچاکاراں نال گل بات

اسلام آباد(پاکستان پوائنٹ نیوز02۔فروری2017ء) سینیٹر بابر اعوان نے آکھیا اے کہ پاناما لیکس دے مقدمے وچ جے وزیر اعظم دے خاندان کول دفاع لئی کُجھ ہوندا تے اوہ ٹریک ٹو نہ ورتدے۔

تفصیل دے مطابق سپریم کورٹ وچ پرچا کاراں نال غیر رسمی گل بات کردے ہوئے بابر اعوان دا کہنا سی کہ بھارتی حکومت دی ایما اُتے نویں ای سی ایل لسٹ بنائی جا رہی اے، نواز شریف امریکی صدر نوں وکھانا چاہندا اے کہ میں تہاڈا وفادار آں، اوہناں نے آکھیا کہ پاناما وچ جائیداد مَنن مگروں تن طرحاں دے فیصلے آ سکدے نیں، اک جائیداد

اُتے کلین چٹ نہیں ملے گی کیونکہ اوہ جائیداد مَن چکے نیں ، پہلی وار عدالت ہر سطح اُتے سنوائی کر رہی اے کہ کسے نوں گِلا نہ ہووے کہ کسے نوں نہیں سُنیا گیا۔

بابر اعوان نے آکھیا کہ وزیر اعظم دے والد صاحب دیاں سفری ٹریلز، پیساں دے ثبوت تن تھاواں توں لبھ سکدے نیں، کونس جنرل، ایف آئی اے تے امیگریشن ریکارڈ مل سکدا اے، ریکارڈ جو ٹریل ثابت ہو گیا اے اوہ پڑھیا جائے گا تے جو ثابت ہو گیا اے اوہ اسحاق ڈار دا بیان اے، اوہدے بیان وچ سپورٹو، بیان حلفی، سنے معافی نامہ موجود اے۔