اسلام آباد(پاکستان پوائنٹ نیوز10۔دسمبر2016ء) جنوبی کوریا دی مشہور کمپنی ’کیا موٹرز‘ نے پاکستان وچ اپنا پلانٹ لان دا علان کیتا اے جہدے نال مارکیٹ وچ گڈیاں سستیاں ہون دی امید کیتی جا رہی اے۔
تفصیل دے مطابق گڈیاں دے شوقین بندیاں لئی چنگی خبر ساہمنے آ گئی اے کیوں جے جنوبی کوریا دی مشہور کمپنی ’کیا موٹرز‘ 12ارب رُپئے دی لاگت نال پاکستان وچ گڈیاں بنان دا پلانٹ لا رہی اے۔
ایس توں پہلے جرمنی دی مشہور کاراں بنان والی کمپنی ’اوڈی‘ تے فرانسیسی کمپنی
’رینو‘ وی پاکستان وچ اپنیاںگڈیاں بنان والے پلانٹ لان دا اعلان کر چکیاں نیں جدکہ رینو نے تے دعوا کیتا کہ اوہ 2018وچ پاکستان وچ گڈیاں سمبل کرنا شروع کر دیوے گی ایس توں وکھ جنوبی کوریا دی کمپنی ’کیا موٹرز‘ نے پاکستان وچ کاراں دی سمبلنگ دا کم پہلے وی شروع کیتا سی پر فروخت وچ واضح کمی پاروں مینوفیکچرنگ روک دِتی گئی سی۔
موٹر مارکیٹنگ نال جُڑے بندیاں دا کہنا اے کہ غیر ملکی کمپنیاں ولوں پاکستان وچ پلانٹ لان دے بعد گڈیاں دیاں قیمتاں وچ کمی دا امکان اے۔