جہاز حادثا افسوسناک اے، سارے نمونے اکٹھے کر لئے گئے نیں، مسافراں دیاں شیواں دے ذریعے وارثاں دی مدد نال پہچان ممکن بنائی جا رہی اے:وزیر مملکت کیڈڈاکٹر طارق فضل چودھری دی میڈیا نال گل بات
اسلام آباد(پاکستان پوائنٹ نیوز09۔دسمبر2016ء) وزیر مملکت کیڈ ڈاکٹر طارق فضل چودھری نے آکھیا اے کہ جہاز حادثا افسوسناک اے، سارے نمونے اکٹھے کر لئے گئے نیں، مسافراں دیاں شیواں دے ذریعے وارثاں دی مدد نال پہچان ممکن بنائی جا رہی اے۔
تفصیل دے مطابق جمعے دے دیہاڑے اسلام آباد وچ میڈیا نال گل بات کردے ہوئے طارق فضل چودھری نے آکھیا کہ جہاز حادثا افسوسناک اے، کوشش اے کہ وارثاں
دی پریشانی ختم کرئیے۔
اوہناں دا کہنا سی کہ اج سویرے پونے چھ وجے دے نیڑے سارے نمونے اکٹھے کر لئے گئے نیں۔پمز ہسپتال وچ دستیاب سہولتاں فراہم کیتیاں جا رہیاں نیں جدکہ ہور ہسپتالاں نوں وی ایہ نمونے گھل گئے نیں۔
اوہناں دا کہنا سی کہ مسافراں دیاں شیواں دے ذریعے وارثاں دی مدد نال پہچان ممکن بنائی جا رہی اے، وارثاں نے صبر توں کم لیا تے ایس لَمے عمل نوں برداشت کیتا۔