سکھر(پاکستان پوائنٹ نیوز29۔نومبر۔2016ء) سابق گورنر پنجاب سردار لطیف کھوسہ نے آکھیا اے کہ چیئرمین آصف علی زراری 27دسمبر توں پہلے پاکستان آن گے تے محترمہ بے نظیر بھٹو دی ورسی دی تقریب وچ رلت کرن گے۔
تفصیل دے مطابق میڈیا نال گل بات کردے ہوئے لطیف کھوسہ نے آکھیا کہ (ن) لیگ نے ہمیشہ پاک فوج نوں بدنام کرن دی کوشش کیتی اے، ہُن حکومت وزیراعظم نوں بچان
لئی 24ویں ترمیم دے ذریعے سپریم کورٹ اُتے قدغن لان دیاں تیاریاں کر رہی اے۔
سابق گورنر نے آکھیا کہ میاں نواز شریف مودی نال دوستی دا رویہ بند کرن کیوں جے مودی مسلماناں دا قاتل اے، ہن تے مودی نے پاکستان دا پانی بند کرن دی دھمکی دِتی اے پر بھارتی وزیر اعظم ایہ بھُل رہے نیں کہ پاکستان ایٹمی طاقت تے جدید میزائل ٹیکنالوجی رکھن والا ملک اے۔