راولپنڈی(پاکستان پوائنٹ نیوز29۔نومبر۔2016ء) راولپنڈی وچ پاک فوج دے سپہ سالار دی کمان تبدیلی دی تقریب دے بعد پرچکاراں نال گل بات کردے ہوئے ڈی جی آئی ایس پی آر لیفٹیننٹ جنرل عاصم سلیم باجوہ نے آکھیا کہ فوج تے قیادت بارے کسے وی منفی پراپیگنڈے توں پرہیز کیتا جائے۔
اوہناں نے آکھیا کہ فوج وچ معمول دیاں ترقیاں تے تبادلے ہوند
ے نیں پر اوہناں بارے قیاس آرائیاں نہیں کیتیاں جانیاں چاہیدیاں، ادارے وچ کسے وی قسم دی تبدیلی ہوئی تے آئی ایس پی آر میڈیا دے ارکان نال ضرور شیئر کرے گا۔
اوہناں دا کہنا سی کہ میڈیا نوں چاہیدا اے کہ اوہ ادارے بارے افواہواں تے پراپیگنڈے توں پرہیز کرے کیوں جے انج کرن نال سنگینی پیدا ہوندی تے حالات وِگڑ وی سکدے نیں۔