نیب نوں شہباز شریف خلاف تحریری ثبوت لبھ گئے شہباز شریف نے ٹھیکہ منسوخ کرن لئی پنجاب لینڈ ڈویلپمنٹ کمپنی دے بورڈ آف ڈائریکٹر دے اختیارات آپ استعمال کیتے:وسیلے

لاہور(پاکستان پوائنٹ نیوز19۔اکتوبر۔2018ء) سابق وزیر اعلا پنجاب میاں شہباز خلاف آشیانہ ہاؤسنگ سکیم سکینڈل وچ ہور ثبوت ساہمنے آگئے نیں، نیب نے چودھری لطیف کمپنی دا ٹھیکہ منسوخ کرن بارے تحریری ثبوت اکٹھے کر لئے۔

میڈیا رپورٹس مطابق نیب نے آشیانہ اقبال ہاؤسنگ سکینڈل وچ گرفتار سابق وزیر اعلا پنجاب میاں شہباز شریف خلاف ہور ثبوت اکٹھے کر لئے نیں۔

وسیلیاں مطابق شہباز شریف نے طارق باجوہ رپورٹ آن مگروں معاملا اینٹی کرپشن نوں گھلن دا حکم دتا سی۔ سابق وزیر اعلا ولوں اینٹی

کرپشن نوں 20مارچ 2014نوں خط گھلیا گیا۔

مبینہ طور اُتے 15مارچ نوں خط لکھیا گیا جیہدے وچ چودھری لطیف کمپنی دا ٹھیکہ منسوخ کرن دا حکم دتا گیا۔ شہباز شریف نے ٹھیکہ منسوخ کرن لئی پنجاب لینڈ ڈویلپمنٹ کمپنی دے بورڈ آف ڈائریکٹر دے اختیارات آپ استعمال کیتے۔

نیب حکام مطابق آشیانہ کیس دے معاملے وچ خواجا سعد رفیق نوں وی سدیا گیا اے جدکہ منصوبے دے ٹینڈر توں لے کے شہباز شریف ایس معاملے وچ ملوث رہے۔ نیب نے شہباز شریف دے غیر قانونی اقدام دے تحریری ثبوت لبھ لئے نیں۔