پشاور(پاکستان پوائنٹ نیوز06۔ستمبر۔2018ء) ترجمان خیبرپختونخوا حکومت شوکت یوسفزئی نے عہدے توں استعفا دے دتا، شانگلا دے ضمنی الیکشن وچ امیدوار آں، نہیں چاہندے کہ میرا عہدہ الیکشن اُتے کسے طرحاں اثر انداز ہوئے، ایس لئی استعفا دین دا فیصلا کیتا۔
تفصیل مطابق حکومت خیبرپختونخوا دے ترجمان نے استعفا دے دتا اے۔ ترجمان خیبرپختونخوا حکومت تے صوبائی وزیر اطلاعات شوکت یوسفزئی نے اپنے عہدے توں
استعفا دے دتا اے۔
ایس حوالے نال شوکت یوسفزئی دا دسنا اے کہ اوہ شانگلا دے ضمنی الیکشن وچ امیدوار نیں اوہ نہیں چاہندے کہ بطور وزیر یاں سرکاری عہدیدار اوہ الیکشن وچ حصہ لین۔
اوہناں دی خاہش اے کہ ضمنی الیکشن بالکل صاف شفاف ہون تے اوہناں دی وزارت یاں عہدہ اوہدے اُتے کسے طرحاں وی اثر انداز نہ ہوئے۔ ایس لئی اوہناں نے صوبائی وزارت اطلاعات دے عہدے توں مستعفی ہون دا فیصلا کیتا اے۔