تحریک انصاف دی حکومت دا نویں دانش سکول نہ بنان دا فیصلا دانش سکولاں وچ پڑھن والے بالاں دی مدد جاری رکھاں گے: وزیر تعلیم پنجاب
لاہور(پاکستان پوائنٹ نیوز06۔ستمبر۔2018ء) پنجاب حکومت نے دانش سکولاں دیاں عمارتاں ہائر ایجوکیشن دے استعمال ہیٹھ لیان بارے غور شروع کر دتا۔
آؤندے مالی سال وچ نویں دانش سکول نہ بنان دا فیصلا کر لیا اے، آؤندے مالی سال وچ نویں دانش سکولاں لئی فنڈز نہیں رکھے جان گے۔
میڈیا رپورٹس مطابق وزیر تعلیم پنجاب دا کہنا اے کہ دانش سکولاں دیاں عمارتاں وی ہائر ایجوکیشن دے منصوبیاں
وچ شامل کرن بارے غور کیتا جا رہیا اے۔
اوہناں نے آکھیا کہ دانش سکولاں وچ پڑھن والے بالاں دی مدد جاری رکھاں گے۔ پر آؤندے مالی سال وچ نویں دانش سکولاں لئی فنڈز نہیں رکھے جان گے۔
یاد رہوے کہ سابق حکومت نے غریب بالاں دی مفت تعلیم لئی ایچی سن کالج دے مقابلے وچ دانش سکول بنائے سن تاں جے میرٹ اُتے غریباں دے بال وی ایچی سن ورگے معیاری تعلیمی اداریاں وچ پڑھ سکن۔