نویں پاکستان وچ گرفتاری مگروں رہائی وی جلدی دُکان وچ چوری دے شبے وچ سوانیاں اُتے تشدد کرن والے ملزم ضمانت اُتے رہا

لاہور(پاکستان پوائنٹ نیوز07۔ستمبر۔2018ء) دو دن پہلاں دُکان وچ سوانیاں اُتے تشدد دی اک ویڈیو سوشل میڈیا اُتے وائرل ہوئی سی۔

ویڈیو ساہمنے آن مگروں وزیر اعلا پنجاب نے واقعے دا نوٹس لیند ے ہوئے انکوائری دا حکم دے دتا سی۔ واقعے وچ ملوث ملزماں نوں گرفتار کر لیا گیا سی۔

پر میڈیا رپورٹس مطابق دُکان وچ سوانیاں اُتے تشدد دے واقعے وچ ملوث ملزماں نوں ضمانت اُتے رہا کر دتا گیا اے۔ ملزماں نوں 30,30ہزار رُپئے دے مچلکیاں دے بدلے رہائی کیتا گیا اے۔

چیتے رہوے

کہ لاہور دے علاقے جلوموڑ دی مارکیٹ وچ کپڑے دی دُکان وچ مبینہ چور سوانیاں نوں تشدد دا نشانہ بنایا گیا سی۔

سوانیاں اُتے تشدد دی ویڈیو سوشل میڈیا اُتے وائرل ہوگئی، جیہدے مگروں وزیر اعلا پنجاب سردار عثمان بزدار نے واقعے دا نوٹس لے لیا۔

سوانیاں نوں چوری دے شبے وچ چودھری اعجاز مناواں تے اوہدے ساتھیاں نے پھڑلیا تے سوانیاں نوں ڈنڈیاں نال تشدد دا نشانہ بنایا۔دوناں سوانیاں نوں کپڑے دا تھان چوری کرن دے الزام وچ تشدد دا نشانہ بنایا گیاسی۔