تحریک لبیک نوں ریاست لئی خطرہ قرار دے دتا گیا تحریک لبیک ریاست لئی خطرہ اے:نیکٹا دا وزارت داخلا نوں خط

اسلام آباد(پاکستان پوائنٹ نیوز01۔ستمبر۔2018ء) نیشنل کاؤنٹر ٹیررازم اتھارٹی(نیکٹا) نے وزارت داخلا نوں تحریک لبیک پاکستان بارے خدشیاں توں آگاہ کر دتا اے۔

تحریک لبیک پاکستان دے رہنما عثمان افضل دا کہنا اے کہ تحریک لبیک پاکستان اک پرامن سیاسی جماعت اے جو قانون دی اُچیائی اُتے یقین رکھدی اے۔

میڈیا رپورٹ مطابق انسداد دہشت گردی دے ملک دے سبھ توں وڈے ادارے نے وزارت داخلا نوں مذہبی جماعت تحریک لبیک پاکستان دے سیاسی تے معاشرتی طور اُتے تشدد راہیں اثر انداز ہون دیاں کوششاں بارے دسیا اے۔

پچھلے ورھے اسلام آباد دے داخلی راہواں نوں بند کیتے جان اُتے سابق وزیر داخلا احسن اقبال نوں لکھے گئے اک خفیہ خط وچ نیکٹا نے

تحریک لبیک پاکستان نوں امن تے ریاست لئی اصل خطرہ قرار دتا سی۔

اوس ویلے دے نیکٹا کوآرڈینیٹر احسان غنی ولوں وزارت داخلا نوں لکھے گئے اک خفیہ خط وچ آکھیا گیا سی کہ تحریک لبیک پاکستان نے ریاستی رٹ نوں چیلنج نہیں کیتا بلکہ تباہ کر دتا اے۔

تحریک لبیک پاکستان دا اُبھرنا تے اوہدا تسلسل ریاستی امن لئی حقیقی خطرہ اے۔ جیہدی وجہ توں ہور مسالک وی اپنے وسائل دے استعمال تے پرتشدد کارروائیاں دا حصہ بن سکدے نیں۔

ایہ خط الیکشن کمیشن آف پاکستان ولوں خادم حسین رضوی دی تحریک لبیک پاکستان نوں کرین دا نشان الاٹ کیتے جان مگروں لکھیا گیا سی۔یاد رہوے کہ تحریک لبیک ممتاز قادری نوں پھانسی دتے جان مگروں ساہمنے آئی سی۔