پی ٹی آئی حکومت نے نواز شریف ،مریم نواز تے کیپٹن (ر) صفدر دا ناں ای سی ایل وچ پا دتا
اسلام آباد(پاکستان پوائنٹ نیوز21۔اگست۔2018ء) سابق وزیراعظم نواز شریف، اوہناں دی دھی مریم نواز تے کیپٹن (ر) صفدر دا ناں ای سی ایل وچ پادتا گیا ۔
وزارت داخلا دے وسیلیاں مطابق نواز شریف، مریم نواز تے کیپٹن (ر) صفدر دا ناں نیب دی درخاست اُتے ای سی ایل وچ پایا گیا اے۔
یاد رہوے کہ پچھلے دیہاڑے وفاقی کابینہ نے سابق وزیراعظم نواز شریف، اوہناں دی دھی مریم نواز
تے کیپٹن (ر) صفدر دا ناں ای سی ایل وچ پان دی منظوری دیندے ہوئے آکھیا سی کہ حسین نواز، حسن نواز تے اسحاق ڈار ملک دے مفرور ملزم نیں۔
اوہناں نوں واپس لیان لئی اقدامات کیتے جان گے۔ ایس توں وکھ وفاقی کابینہ دے اجلاس وچ فیصلا کیتا گیا کہ ایون فیلڈ ریفرنس دی جائیداد پاکستان دی ملکیت اے جیہدی قرقی دے حوالے نال برطانوی حکومت نال رابطہ کیتا جائے گا۔