فخر پاکستان ڈاکٹر عبدالقدیر خان صدر مملکت دے امیدواراں دی دوڑ وچ شامل ہو گئے
اسلام آباد(پاکستان پوائنٹ نیوز20۔اگست۔2018ء) مشہور سائنسدان ڈاکٹر عبدالقدیر خان صدر مملکت دے امیدواراں دی دوڑ وچ شامل ہو گئے۔
میڈیا رپورٹس مطابق ہن سائنسدان ڈاکٹر عبدالقدیر خان وی صدر مملکت دے امیدوار ہون گے۔ رپورٹ وچ ہور دسیا گیا اے کہ عدلیہ بچاؤ کمیٹی ولوں ڈاکٹر عبدالقدیر خان دے کاغذات نامزدگی لِتے گئے نیں۔
عبدالرشید قریشی نے ڈاکٹر عبدالقدیر خان دے کاغذات نامزدگی لئے۔
یادرہوے کہ پاکستان تحریک انصاف ولوں صدر مملکت دے امیدوار ڈاکٹر عارف علوی نیں جدکہ پچھلے دیہاڑے پاکستان پیپلز پارٹی نے وی اعتزاز احسن نوں صدر مملکت دے امیدوار دے طور اُتے نامزد کیتا سی۔
ایس حوالے نال پاکستان پیپلز پارٹی دے شریک چیئرمین آصف علی زرداری نے آکھیا سی کہ شہباز شریف نوں اپوزیشن لیڈر مندے آں تے اعتزاز احسن صدر مملکت لئی اپوزیشن دے سانجھے امیدوار ہون گے۔