(ن) لیگ دے ٹکٹ امیدواراں توں کاغذ اُتے نواز شریف بارے کیہ اقرار نامہ لیا جا رہیا اے؟مشہور پرچا کار نے دس دتا

لاہور(پاکستان پوائنٹ نیوز19۔مئی2018ء ) پاکستان مسلم لیگ (ن) دے امیدوار جو پارٹی ٹکٹ لئی درخاست جمع کروا رہے نیں اوہناں توں اک اک اقرار نامہ لیا جا رہیا اے۔

اقرار نامے وچ لکھیا گیا کہ اے میں پاکستان مسلم لیگ (ن) دے قائد محمد نواز شریف تے صدر محمد شہباز شیف دی قیادت اُتے اعتماد دا اظہار کرنا/کرنی آں۔

تے حلفن اقرار کرنا/کرنی آں کہ میں پارٹی ٹکٹ ملن یاں نا ملن دی صورت وچ پارٹی ڈسپلن دا پابند رہواں گی/گا۔ پاکستان مسلم لیگ (ن) دی مرکزی قیادت تے صوبائی قیادت دے حکماں تے ہدایتاں اُتے پوری طرحاں عمل کردے ہوئے جماعتی سرگرمیاں وچ اپنا بھرپور کردار

ادا کرن دے نال نال مسلم لیگ (ن) دی کامیابی لئی بھرپور کوشش کراں گا/گی۔

ایس حوالے نال تبصرہ کردے ہوئے مشہور پرچا کار حبیب اکرم دا کہنا سی کہ پارٹی ٹکٹ لین والیاں توں وفاداری دا حلف لیا جا رہیا اے پر میرے خیال وچ ایہ کوئی وڈا قانونی ایشو نہیں بنے گا۔

کوئی وی بندہ کسے توں وی وفاداری دا حلف لے سکدا اے۔ جے ایشو بننا ہوندا تے اودوں بندا جدوں وزیر اعظم شاہد خاقان عباسی نے نواز شریف نوں اپنا وزیر اعظم آکھیا سی۔

اوہناں دا کہنا سی کہ مینوں نہیں لگدا کہ ہن درخاستاں وچ شامل ایہ وفاداری دے حلف نامے دا نقطہ کوئی وڈا مسئلا ہوئے گا۔