پاکستان پیپلز پارٹی دی رہنما شرمیلا فاروقی نے امتحانی سنٹر گئے بغیر پی ایچ ڈی داداخلا ٹیسٹ پاس کر لیا

کراچی(پاکستان پوائنٹ نیوز19۔مئی2018ء ) پاکستان پیپلز پارٹی دی رہنما شرمیلا فاروقی نے امتحانی سنٹر گئے بغیر پی ایچ ڈی دا داخلا ٹیسٹ پاس کر لیا۔

قومی اخبار دی اک رپورٹ مطابق جامعہ کراچی وچ پاکستان پیپلز پارٹی دی رہنما شرمیلا فاروقی نے پی ایچ ڈی دا داخلا ٹیسٹ پاس کر لیا۔

تاریخ وچ انج پہلی وار ہویا اے کہ کسے امیدوار نے امتحانی سنٹر گئے بغیر پی ایچ ڈی دا ٹیسٹ پاس کر لیا ہوئے۔ دسیا جاندا اے کہ پیپلز پارٹی دی رہنما شرمیلا فاوقی سنے 12امیدوار ایس ٹیسٹ وچ کامیاب ہوئے۔

شرمیلا فاروقی ٹیسٹ دین جامعہ کراچی نہیں گئیاں پر فیر وی اوہناں نوں پی ایچ ڈی (لاء) وچ داخلے دا اہل قرار دے دتا گیا۔

کئی وکیلاں دا اکہنا اے کہ جامعہ کراچی دی انتظامی صورتحال بہت خراب اے ، اُستاد، ملازم تے افسراں نے رلکے وائس چانسلر دے کماں خلاف کوشش کیتی اے۔

سندھ دے صوبائی ہائر ایجوکیشن کمیشن (ایچ ای سی)

دے چیئرمین ڈاکٹر عاصم حسین یونیورسٹی وچ انتظامی تبدیلیاں لیانا چاہندے سن۔

ایس لئی انتظامیہ نے حمایت حاصل کرن لئی ایہ کم کیتا اے جدکہ داخلے دے خاہش مند وکیلاں دا کہنا سی کہ اوہ امتحانی مرکز وچ ٹیسٹ دے کے وی فیل ہو گئے۔

جامعہ کراچی دے شعبہ قانون دے ڈین جسٹس (ر) غوث محمد دا کہنا اے کہ شرمیلا فاروقی نے ٹیسٹ وچ رلتی ہون لئی فارم جمع کروایا سی ۔

پر شرمیلا فاروق حاملہ سن تے ہسپتال داخل سن۔ ایس لئی ڈاکٹراں شرمیلا فاروقی نوں آرام دا مشورہ دتا۔ شرمیلا فاروقی نے ایس صورتحال وچ درخاست گھلن دے نال نال میڈیکل سرٹیفکیٹ وی جمع کروایا سی۔

درخاست وچ اوہناں دا کہنا سی کہ اوہ ٹیسٹ دین نہیں آ سکدیاں اوہناں دا ٹیسٹ ہسپتال وچ لیا جائے۔جیہدے مگروں وائس چانسلر تے رابطہ کمیٹی نوں صورتحال بارے دسیا گیاتے اوہناں دے اجازت نامے مگروں شرمیلا فاروقی دا ہسپتال وچ ای ٹیسٹ لیا گیا۔