کرنل سہیل عابد نے آرمی چیف جنرل قمر جاوید باجوہ دا وعدہ پورا کر دتا کرنل سہیل عابد نے کوئٹہ وچ 100توں ودھ بندیاں دی جان لین والے دہشت گرداں نوں اپنے انجام تیکر اپڑایا
لاہور(پاکستان پوائنٹ نیوز19۔مئی2018ء ) کرنل سہیل عابد نے اپنی جان ملک خاطر قربان کر کے بہت وڈی قربانی حاصل کیتی۔ تفصیل مطابق مشہور پرچا کار کامران دا اپنے پروگرام دوران گل بات کردے ہوئے کہنا سی کہ کرنل سہیل عابد نے اپنی جان قربان کر کے دہشت گرداں خلا ف اک بہت وڈی کامیابی حاصل کیتی۔
دہشت گرداں خلاف ایس جنگ وچ پاکستانی فوج ہراول دستے دا کردار ادا کر رہی اے۔ ایس جنگ وچ پاک فوج دے سپاہی توں لے کے جنرل تیکر آپ لڑ رہے نیں تے کرنل سہیل عابد نے وی اک انٹیلی جنس آپریشن دوران بلوچستان وچ دہشت گردی دے سرغنہ نوں مار ن دے نال نال دو افغان دہشت گرداں تے آپ مارو حملا آوراں نوں ہلاک کیتا۔
ایس آپریشن دوران کرنل سہیل عابد شہید ہو گئے۔ کوئٹہ وچ جاری دہشت
گرداں خلاف کامیابیاں وچوں اک ایہ بہت وڈی کامیابی اے کیونکہ ایس اپریشن وچ جس دہشت گرد نوں ہلاک کیتا گیا اے اوہ دہشت گرداں دا سرغنہ سی۔
ایہ اوہ گروہ اے جو بلوچستان وچ ہزاراں بندیاں نوں نشانہ بنا رہیا سی۔ کامران دا ہور کہنا سی کہ پاکستان ہن مجموعی طور اُتے دہشت گرداں دے عذاب توں نکل رہیا اے پر کوئٹہ وچ ایہ کامیابی حاصل نہیں ہوئی سی۔
چیف آف آرمی سٹاف جنرل قمر جاوید باجوہ نے ہزارہ برادری نال وعدہ کیتا سی کہ دہشت گرداں دا پچھا ،تے اوہناں دا پاکستان توں صفایا کیتا جائے گا۔
اج پاک فوج دے سربراہ دا وعدہ پورا ہویا تے کرنل سہیل عابد نے اپنے ساتھیاں نال اک شاندار آپریشن وچ دہشت گرداں دے سربراہ نوں اوہدے ساتھیاں سنے ہلاک کیتا۔