پاکستان وچ روزیاں دا چن نظر آ گیا، روزے دے دورانیے بارے اہم تفصیلاں پڑھو

کراچی(پاکستان پوائنٹ نیوز16۔مئی2018ء ) کل دنیا بھر دے نال نال پاکستان وچ وی پہلا روزہ ہوئے گا۔تفصیل مطابق کل دنیا دے اک کونے توں لے کے دوجے کونے وچ وسن والے مسلمان روزے نال ہون گے۔

سبھ توں گھٹ دورانیے دا روزہ ارجنٹائن دے مسلمان رکھن گے جیہدا دورانیہ 11گھنٹے32منٹ ہوئے گاایسے طرحاں گرین لینڈ والے سبھ توں لمے چِر لئی روزے نال ہون گے ۔

پاکستان وچ 15گھنٹے دا روزہ ہوئے گا۔ سبھ توں زیادہ دیر تک گرین لینڈ دے مسلمان روزے نال ہون گے جو 21گھنٹے02منٹ داہوئے گا۔

آئس لینڈ دے مسلمان 21گھنٹے، فن لینڈ دے 19گھنٹے 56منٹ، ناروے تے سویڈن

دے مسلمان 19گھنٹے لما روزہ رکھن گے۔ روس، جرمنی، آئرلینڈ، بلجیم تے ہور یورپی ملکاں وچ مسلمان 18گھنٹے بعد افطاری کرن گے جدکہ کینیڈا وچ 7گھنٹے24منٹ، امریکا وچ 16گھنٹے 29منٹ مگروں افطاری ہوئے گی۔

ایران وچ 16گھنٹے04منٹ، افغانستان وچ 15گھنٹے 51منٹ ،بھارت وچ 15گھنٹے 2منٹ تے پاکستان وچ 15گھنٹے دا روزہ ہوئے گا۔سعودی عرب وچ 14گھنٹے 41منٹ، انڈونیشیا وچ 13گھنٹے 02منٹ، آسٹریلیا، نیوزی لینڈ وچ 11گھنٹے 40منٹ توں ودھ دورانیے دا روزہ ہوئے گا۔

سبھ توں گھٹ دورانیے دا روزہ ارجنٹائن دے مسلمان رکھن گے، جیہدا دورانیہ 11گھنٹے32منٹ ہوئے گا۔