اسلام آباد(پاکستان پوائنٹ نیوز16۔مئی2018ء ) پاکستان وچ روزیاں دا چن نظر آ گیا، سعودی عرب سنے کئی عرب ملکاں وچ کل پہلا روزہ ہوئے گا۔
تفصیل مطابق پچھلے دیہاڑے دنیا بھر دے کئی ملکاں سنے خلیجی ملکاں وچ روزیاں دا چن کیتے وی نظر نہیں آیاسی۔ ایہناں ملکاں وچ سعودی عرب، متحدہ عرب امارات، ملائیشیا، انڈونیشیا،
برونائی، آسٹریلیا، جاپان تے ہور ملک شامل نیں۔
ذکر کیتے گئے ملکاں وچ پہلا روزہ 17مئی نوں ہوئے گا۔ ایہناں ملکاں دے کروڑاں مسلمان 17مئی نوں پہلا روزہ رکھن گے۔ تازہ اطلاع مطابق پاکستان وچ وی روزیاں دا چن نظر آ گیا اے۔
لمے چر مگروں پاکستان تے سعودی عرب وچ پہلا روزہ اِکو دن ای رکھیا جائے گا۔