راؤ انوار دا وڈا غیر قانونی دھندا ساہمنے آ گیا غیر قانونی طور اُتے سمگل کیتے گئے ایرانی تیل دی ویچ وٹک سنے ڈمپنگ پوائنٹ توں لکھاں رُپئے رشوت لین دا انکشاف
لاہور(پاکستان پوائنٹ نیوز24۔جنوری2018ء) راؤ انوار دا وڈا غیر قانونی دھندا ساہمنے آ گیا۔ تفصیل مطابق سابق ایس ایس پی ملیر راؤ انوار تے ایس ویلے غائب نیں پر اوہناں دے غیر قانونی دھندے ساہمنے آن دا سلسلہ جاری اے۔ ایسے طرحاں راؤ انوار دا اک ہور غیر قانونی دھندا ساہمنے آیا اے۔ جہدے وچ غیر قانونی سمگل کیتے گئے تیل دی ویچ وٹک کیتی جاندی سی۔ سمگل کیتے گئے ایرانی تیل دی ویچ وٹک دی ویڈیو وی ساہمنے
آ گئی اے۔ ویڈیو وچ ویکھیا جا سکدا اے کہ کس طرحاں غیر قانونی تیل مُل لِتا تے ویچیا جاندا سی۔ ایس توں وکھ راؤ انوار ڈمپنگ پوائنٹ توں وی لکھاں رُپئے لیندے سن۔ وسیلیاں مطابق شاہ لطیف ٹاؤن دے عین ساہمنے نیشنل ہائی وے اُتے دُکاناں وچ غیر قانونی پٹرول پمپ کُھلے ہوئے نیں۔ تھانہ گڈاپ سنے پورے ضلعے، میمن گوٹھ تے لطیف ٹاؤن وچ ایہ کاروبار آسماناں نوں چُھوہ رہیا سی۔