لاہور(پاکستان پوائنٹ نیوز24۔جنوری2018ء) مشہور ٹیکسی سروس ’کریم‘ مگروں ہن ’اوبر‘ نے وی اپنے کرایاں وچ وادھا کر دتا اے۔
اوبر دا کہنا اے کہ دنیا بھر وچ اوبر لوکاں دا اعتماد حاصل کرن وچ کامیاب ہوئی۔ سروس ورتن والے گاہک اک آرام دہ، محفوظ تے پراعتماد سفر دی خاہش رکھدے نیں جدکہ اوبر ڈرائیورز ایہو چاہندے نیں کہ اوہ
ایس سروس راہیں ودھ توں ودھ پیسے کما سکن۔
پر ا وبر نے ہمیشہ ای اپنے گاہکاں تے ڈرائیوراں دیاں آساں اُتے پورا اُترن دی کوشش کیتی اے۔ اوبر دی ایس سروس نوں ہور بہتر تے پراعتماد بنان تے پٹرولیم وستاں دیاں قیمتاں وچ وادھے نوں مُکھ رکھدے ہوئے کمپنی نے پاکستان وچ اپنے ٹیکسی کرایاں وچ وادھے دا فیصلا کیتا اے۔