قصور دے شہریاں دا عمران نوں سرعام پھانسی دین دا مطالبہ، جنازے وچ رلت نہ کرن دا اعلان
قصور(پاکستان پوائنٹ نیوز24۔جنوری2018ء) قصوری دی نِکی بالڑی دے قاتل نوں پچھلے دیہاڑے گرفتار کر لیا گیا اے۔ علاقہ واسیاں نے عمران دی گرفتاری تے اوہدی ایہ حرکت اُتے غصے دا وکھالا کیتا اے۔
زینب نوں انصاف دوان لئی سڑکاں اُتے احتجاج کرن تے وارثاں نال ہمدردی کرن والا ای نِکی بالڑی دا قاتل نکلیا۔ عمران عرف مانا
ویکھن نوں تے بُھلا بھالا نظر آؤندا اے پر اوہدیاں حرکتاں دا اندازہ بعدوں ہویا۔
ملزم عمران دے محلے داراں تے شہریاں نے اوہنوں سرعام پھانسی دین دا مطالبہ کیتا اے۔ علاقہ واسیاں دا کہنا اے کہ ایس مندے انسان نوں سرعام پھانسی دتی جائے۔ مقامی بندیاں نے عمران دے جنازے وچ وی رلت نہ کرن دا اعلان کیتا۔