تحریک انصاف دے سینئر رہنماواں نے عمران خان دے تیجے ویاہ نوں ذاتی معاملا قرار دے دتا
لاہور(پاکستان پوائنٹ نیوز06۔جنوری2018ء) تحریک انصاف دے سینئر رہنماواں نے عمران خان دے تیجے ویاہ دی تردید یاں تصدیق دی بجائے ذاتی معاملا قرار دے دتا اے۔
میڈیا وچ عمران خان دے تیجے ویاہ دیاں خبراں دے حوالے نال شیریں مزاری نے اپنے ٹویٹ وچ آکھیا کہ عمران خان دا ویاہ اوہناں دا ذاتی معاملا اے،ایہدے وچ کسے نوں دخل دین دی ضرورت نہیں‘ عمران خان نے کدوں تے کس نال ویاہ کرنا ایہ اوہناں دا اپنا فیصلا اے، کسے نوں ایہدے وچ مداخلت نہیں کرنی
چاہیدی۔
دوجے پاسے لاہور وچ پریس کانفرنس دوران چودھری سرور نے آکھیا کہ کسے دی ذاتی زندگی وچ میرا یاں تحریک انصاف داکوئی عمل دخل نہیں، کیہ عمران خان نوں اپنے ویاہ لئی ریفرنڈم کرنا چاہیدا۔
عمران خان دے ویاہ توں ودھ کے ہور وی مسئلے نیں۔ سانوں اوہناں اُتے توجہ دینی چاہیدی۔ ایس موقعے تے پنجاب اسمبلی وچ قائد حزب اختلاف تے تحریک انصاف دے رہنما میاں محمود الرشید نے مذاق وچ آکھیا کہ ساڈے دین وچ چار ویاہ جائز نیں۔