اسلام آباد(پاکستان پوائنٹ نیوز08۔جنوری2018ء) نجی ٹی وی چینل نے (ن) لیگی رہنماواں دے خفیہ ویاہواں بارے انکشاف کر دتا اے۔
تفصیل مطابق اجکل عمران خان دے تیجے ویاہ بارے میڈیا اُتے بتھیریاں گلاں ہو رہیاں نیں تے عمران خان دے تیجے ویاہ دی خبر نوں بہت مرچ مصالحے لا کے پیش کیتا جا رہیا اے۔
لوکائی ولوں عمران خان دے تیجے ویاہ دی خبر اُتے ملے جلے جذبات دا وکھالا کیتا جا رہیا اے۔ عمران خان نوں تنقید دا نشانہ بنان اُتے نجی ٹی وی چینل نے (ن) لیگی کارکناں دی ویڈیوز چلا کے اوہناں دے خفیہ ویاہواں دا انکشاف کیتا گیا اے۔
نجی ٹی وی چینل نے (ن) لیگی کارکن ماروی میمن دی اوہ ویڈیو چلا دتی جہدے وچ اوہ گڈی وچ بِہ کے ڈانس کر رہیاں نیں۔ ہور ایہ آکھیا جا رہیا اے کہ سابق وزیر خزانہ
اسحاق ڈار نے ماروی میمن نال خفیہ ویاہ کیتا ہویااے۔
جو اوہناں نے ایہ ویاہ ماروی میمن نوں اک ڈانس پارٹی وچ بلا کے کیتا۔ نجی ٹی دا ہور کہنا سی کہ عمران خان اُتے خفیہ ویاہ دا الزام لان والے شریف خاندان دا اپنا پورا خاندان ای ویاہواں دا شوقین اے۔
شہباز شریف تے اوہناں دے پُتر حمزہ شہباز دے ویاہواں دیاں خبراں کسے توں لُکیاں ہوئیاں نیں جدکہ سابق وزیر اعظم نواز شریف دی دھی مریم نواز تے اوہناں دے داماد کیپٹن (ر) صفدر دے ویاہ اُتے وی کئی سوال چُکے گئے نیں پر ایہدے مگروں وی شریف خاندان تے سبھ توں وڈے میڈیا ہاؤس ہون دا دعوا کرن والے عمران خان نوں تنقید دا نشانہ بنا رہے نیں۔
یاد رہوے کہ ایس توں پہلاں وی عمران خان دے تیجے ویاہ دی جھوٹھی خبر آئی سی۔