لاہور(پاکستان پوائنٹ نیوز16۔دسمبر2017ء) سابق چیف جسٹس آف پاکستان جسٹس افتخار محمد چودھری نے آکھیا اے کہ سپریم کورٹ دے کل دے فیصلے وچ نظرثانی دی ضرورت اے۔
لاہور وچ اک تقریب نال خطاب کردے ہوئے اوہناں داکہنا سی کہ کوئی وی فیصلا لوکائی دی ملکیت ہوندا اے تے ایہدے اُتے تبصرہ کیتا جا سکدا اے۔
اوہناں دا کہنا سی کہ
حالات و واقعات تے قانون اِکو جہے ای نیں۔ سپریم کورٹ دے فیصلے وچ اک نوں ریلیف دتا گیا تے اک نوں نہیں۔
اوہناں داکہنا سی کہ نااہل وزیر اعظم نواز شریف دے کیس وچ وی ایہو حالات سن۔ نواز شریف کیس وچ عدالت ولوں ریلیف نہیں دتا گیا۔ سابق چیف جسٹس نے آکھیاکہ سپریم کورٹ دے فیصلے اُتے کل تفصیل نال گل بات کراں گا۔