پی ٹی آئی چیئرمین عمران خان دی جہانگیر ترین نال ون آن ون ملاقات عمران خان نے جہانگیر ترین نوں پارٹی عہدے اُتے کم جاری رکھن دی ہدایت کر دتی
اسلام آباد(پاکستان پوائنٹ نیوز16۔دسمبر2017ء) چیئرمین پی ٹی آئی عمران خان اج کراچی توں اسلام آباد پہنچے۔ اسلام آباد وچ پی ٹی آئی دے کور گروپ دے اجلاس توں پہلاں عمران خان نے جہانگیر ترین نال اوہناں دے گھر ملاقات کیتی۔
تفصیل مطابق جہانگیر ترین نال ون آن ون ملاقات دوران عمران
خان نے سپریم کورٹ دے فیصلے بارے گل بات کیتی۔ ملاقات وچ اہم مشورے وی کیتے گئے۔
وسیلیاں مطابق عمران خان نے جہانگیر ترین نوں بطور پارٹی سیکرٹری جنرل کم جاری رکھن دی ہدایت دے دتی اے۔ یاد رہوے کہ پچھلے دیہاڑے سپریم کورٹ نے جہانگیر ترین نوں نااہل قرار دے دتا سی۔