اسلام آباد(پاکستان پوائنٹ نیوز16۔دسمبر2017ء) جہانگیر ترین نے پی ٹی آئی دے جنرل سیکرٹری دے عہدے توں استعفا دے دتا اے۔
تفصیل مطابق پی ٹی آئی رہنما جہانگیر ترین دا کہنا سی کہ میں تے عمران خان نے کڑے احتساب دا ساہمنا کیتا تے سرخرو ہوئے۔
میری نااہلی تکنیکی بنیاداں اُتے ہوئی۔ اپنی سیاسی زندگی تے پی ٹی آئی اُتے مینوں فخر اے۔ اوہناں دا کہنا سی کہ میں لودھراں دی لوکائی دا وی دین دار آں جہناں نے مینوں لیڈر بنن دا اہل سمجھیا تے مینوں چُنیا۔
یاد رہوے کہ چیف جسٹس سپریم کورٹ آف پاکستان جسٹس ثاقب
نثار دی سربراہی وچ تن رکنی بنچ نے پچھلے دیہاڑے عمران خان تے جہانگیر ترین خلاف نااہلی کیس دی سنوائی کیتی۔
عمران خان تے جہانگیر ترین خلاف سپریم کورٹ وچ نااہلی دی درخاست مسلم لیگ (ن) دے رہنما حنیف عباسی نے دائر کیتی۔کل دی سنوائی دوران سپریم کورٹ نے عمران خان تے جہانگیر ترین دی نااہلی کیس دا فیصلا سنا یا۔
سپریم کورٹ نے اپنے فیصلے وچ جہانگیر ترین نوں نااہل قرار دیندے ہوئے اپنے فیصلے وچ آکھیا کہ جہانگیر ترین ٹھیک جواب نہیں دے رہے سن ایس لئی جہانگیر ترین صادق تے امین نہیں رہے۔