فیض آباد دھرنا: سمجھوتے دی اک شق وی قانون دے مطابق نہیں: جسٹس شوکت عزیز صدیقی

اسلام آباد(پاکستان پوائنٹ نیوز04۔دسمبر2017ء) اسلام آباد ہائی کورٹ دے جج جسٹس شوکت عزیز صدیقی نے ریمارکس دتے نیں کہ فیض آباد دھرنے دے خاتمے لئی کیتے گئے سمجھوتے دی اک شق وی قانون دے مطابق نہیں تے جو سمجھوتا ہویا اوہدی قانونی حیثیت ویکھنی اے۔

تفصیل مطابق فیض آباد وچ مذہبی جماعت دے دھرنے خلاف اسلام آباد ہائی کورٹ وچ درخاستاں دی سنوائی جسٹس شوکت عزیز صدیقی نے کیتی۔

سنوائی دوران اٹارنی جنرل استراوصاف نے عدالت نوں دسیا کہ دھرنا کیس ہن اپ

نوٹس کیس بن گیا اے تے سپریم کورٹ وچ مقدمے دی سنوائی ہو رہی اے۔

اٹارنی جنرل دا کہنا سی کہ اسیں سبھ دی بہتری لئی اپنا حصہ پانا، جے اسیں حصہ نہیں پاواں گے کوتاہی ای کراں گے۔ تھوڑا ویلا دتا جائے اک پوری رپورٹ پیش کر دتی جائے گی۔

ایس موقعے تے جسٹس شوکت عزیز صدیق نے پُچھیا کہ کیہ تہاڈیاں گلاں دا سسٹم اُتے اثر ہویا،پتا نہیں کیویں کیویں دیاں گلاں نبی نال جوڑیاں گئیاں، سپریم کورٹ دے احترام نوں ساہمنے رکھدے ہوئے حکم پاس نہیں کراں گے۔