نیب ریفرنسز: نواز شریف دی حاضری توں استثنا دی درخاست منظور، مریم نواز دی درخاست رد
اسلام آباد(پاکستان پوائنٹ نیوز04۔دسمبر2017ء) احتساب عدالت نے نیب ریفرنسز دی سنوائی دے دوران سابق وزیر اعظم نواز شریف دی اک ہفتے لئی حاضری توں استثنا دی درخاست منظور کر لئی جدکہ مریم نواز دی استثنا دی درخاست رد کر دتی۔
تفصیل مطابق اسلام آ باد دی احتسا ب عدالت دے جج محمد بشیر نے سابق وزیر اعظم نواز شریف، اوہناں دی دھی مریم نواز تے داماد کیپٹن (ر) محمد صفدر خلاف نیب ولوں دائر تن ریفرنسز دی سنوائی کیتی۔
سنوائی دوران عدالت نے نواز شریف دی اک ہفتے لئی حاضری توں استثنا دی درخاست منظور کر لئی جہدا اطلاق اج
ہون والی سنوائی توں ہوئے گا جدکہ جج محمد بشیر نے مریم نواز دی حاضری توں استثنا دی درخاست وچ بدلی دی استدعا رد کر دتے ہوئے اوہناں دی استثنا نوں15دسمبر تیکر برقرار رکھیا اے۔
نیب ریفرنسز دی سنوائی دوران دو وار وقفہ کیتا گیا تے سابق وزیر اعظم نواز شریف، مریم نواز تے داماد کیپٹن (ر) محمد صفدر دو وار عدالت ساہمنے پیش ہوئے۔
پہلے وقفے مگروں نواز شریف عدالت ساہمنے پیش نہ ہوئے تے عدالت نے وکیل دا موقف سُنن مگروں نجی بنک توں تعلق رکھن والے استغاثہ دے گواہ ملک طیب احمد دا بیان ریکارڈ کرن دا حکم دتا۔