نواز شریف میرے سیاسی پیر نیں تے استعفے دا فیصلا وی اوہی کرن گے: رانا ثناء اللہ

لاہور(پاکستان پوائنٹ نیوز02۔دسمبر2017ء) وزیر قانون پنجاب رانا ثناء اللہ نے آکھیا اے کہ صدر مسلم لیگ (ن) نواز شریف میرے سیاسی پیر نیں تے میرے استعفے دا فیصلا وی اوہی کرن گے، سارے علماء کرام عزت جوگ نیں، میرا ایمان اللہ تے اوہدے رسولﷺ اُتے اے۔

میڈیا رپورٹس مطابق اوہناں نے اج میڈیا نال گل بات کردے ہوئے آکھیا کہ میرے سیاسی پیر میاں نواز شریف نیں تے میرے استعفے دا فیصلا وی نواز شریف ای کرن گے۔

اوہناں نے آکھیا کہ میرا ایمان اللہ تے اوہدے رسولﷺ

اُتے اے۔ سارے علماء کرام میرے لئی عزت جوگ نیں پر استعفے دا فیصلا صرف پارٹی قیادت ای کر سکدی اے۔

وزیر قانون پنجاب نے آکھیا کہ جو وی معاملا ہوئے بِہ کے حل ہونا چاہیدا۔ اوہناں دا کہنا سی کہ خواجا سعد رفیق نے رات نوں دھرنے والیاں نال مذاکرات دی نمائندگی کیتی۔

ملاقات دوران معاملات چنگے طریقے نال اگانہ ودھے۔ یاد رہوے کہ لاہور وچ ختم نبوتﷺ قانون وچ تبدیلی خلاف دھرنا دین والی مذہبی جماعت نے وزیر قانون پنجاب دے استعفے دا اعلان کیتا اے۔