سپریم کورٹ جے آئی ٹی دی انکوائری تیک نواز شریف توں استعفا لوے: عمران خان دا مطالبا جدوں تیک نواز شریف بیٹھا ہویا اے جے آئی ٹی دیاں تحقیقات وچ اوکڑاں پیندیاں رہن گیاں، نواز شریف، شہباز شریف تے اسحاق ڈار دی پیشی توں پہلے جھیڑا کرن دی کوشش کیتی جا رہی اے تاں جے ایہ بچ جان: میڈیا نال گل بات

اسلام آباد(پاکستان پوائنٹ نیوز09۔جون2017ء) تحریک انصاف دے چیئرمین عمران خان نے سپریم کورٹ توں مطالبا کیتا اے کہ جے آئی ٹی دی انکوائری تیک نواز شریف توں استعفا لِتا جائے، جدوں تیک نواز شریف بیٹھا ہویا اے جے آئی ٹی دیاں تحقیقات وچ اوکڑاں پیندیاں رہن گیاں، نواز شریف، شہباز شریف تے اسحاق ڈار دی پیشی توں پہلے جھیڑا کرن دی کوشش کیتی جا رہی اے تاں جے ایہ بچ جان۔

اوہناں نے اج میڈیا نال گل بات کردے ہوئے آکھیا کہ جے آئی ٹی اُتے روز حملے کیتے جا رہے نیں۔ جے آئی ٹی اُتے حملیاں مگروں کشیدگی ودھ گئی اے۔

تن ججاں نے آکھیا کہ انکوائری دی لوڑ اے۔ اوہناں نے ای جے آئی ٹی بنائی۔ ایہناں ساریاں نے جے آئی ٹی بنان اُتے مٹھائیاں ونڈیاں پر ہن جدوں پتا چل گیا کہ ایمپائر ساتھ نہیں دین گے تے رولا پانا شروع کر دتا۔

عمران خان دا کہنا سی کہ قطری شہزادہ وی نہیں آ رہیا تے ایہناں نوں ڈر اے کہ ساڈے خلاف فیصلا نہ آجائے۔ اوہناں نے آکھیا کہ اسحاق ڈار، نواز شریف تے شہباز شریف دی پیشی توں پہلے ایہ ماحول بنایا جا رہیا اے کہ جے آئی ٹی نوں جھیڑوا بنا دتا جائے تاں جے ایہ بچ جان۔

عمران خان نے آکھیا کہ نواز شریف نے یوسف رضا گیلانی توں استعفے دی ڈیمانڈ کیتی سی۔ اوہناں نے سپریم کورٹ توں مطالبا کیتا کہ جے آئی ٹی دی انکوائری تیک نواز شریف توں استعفا لتا جائے۔

اوہناں نے آکھیا کہ جدوں تیک نواز شریف بیٹھا ہویا اے جے آئی ٹی دیاں تحقیقات وچ اوکڑاں آﺅندیاں رہن گیاں۔ عمران خان دا ہور کہنا سی کہ نہال ہاشمی نے وی استعفا نہیں دتا جدکہ شیخ رشید اُتے حملے دی مذمت کردے آں۔

حکومت نے اوہناں اُتے حملا منصوبے نال کروایا اے۔