آصف زرداری دی شہباز شریف دے سپریم کورٹ اُتے جانبداری تے امتیازی سلوک دے الزاماں دی مذمت

اسلام آباد(پاکستان پوائنٹ نیوز09۔جون2017ء) پاکستان پیپلز پارٹی پارلیمنٹرینز دے صدر آصف علی زرداری نے پنجاب دے وزیر اعلا شہباز شریف ولوں سپریم کورٹ اُتے جانبداری تے امتیازی سلوک کرن دے الزام دی نندیا کردے ہوئے آکھیا کہ ایہ الزام غیر ذمے وار تے توہین جوگ اے۔

اوہناں نے شہباز شریف توں مطالبا کیتا کہ اوہ نہ صرف معافی منگن بلکہ اپنے ایس بیان نوں واپس وی لےن۔ آصف علی زرداری دا کہنا سی کہ حسین نواز دی تصویر لیک ہون دے معاملے نوں شہباز شریف سپریم کورٹ ولوں شریف خاندان اُتے حملا سمجھدے نیں۔

جو لوک ایہ آکھدے نیں کہ اوہناں دے بالاں نوں بٹھا کے رکھیا تے ڈرایا گیا اوہ زرا یاد کرن کہ کس طرحاں دو وار منتخب وزیر اعظم شہید

محترمہ بے نظیر بھٹو نوں جیل باہر ایٹاں اُتے بہن لئی مجبور کیتا گیا جدکہ اوہناں دے بال وی اوہناں دےاں بانہواں وچ ہوندے سن۔

اوس ویلے تے پیپلز پارٹی نے ایہ نہیں آکھیا کہ سپریم کورٹ نے بندوقاں پیپلز پارٹی ول تان لئیاں نیں، ایتھوں تیک کہ جدوں شہید ذوالفقار علی بھٹو نوں عدالتی قتل دا نشانا بنایا گیا اوس ویلے وی پارٹی نے کدی وی سپریم کورٹ اُتے ایہ الزام نہیں لایا کہ اوہناں نے اپنیاں بندوقاں پیپلز پارٹی اُتے تان لئیاں نیں۔

اوہناں دا کہنا سی کہ حکمراناں نوں اوہ دن وی یاد کرنا چاہیدا جدوں اوہناں نے جھوٹھے بے بنیاد سیاسی طور اُتے بنائے گئے مقدمےاں دے نتیجے وچ سیاسی مخالفاں نوں تشدد تے ظلم دا نشانابنایا۔