شریف برادران جے آئی ٹی خلاف سازش کر کے سیاسی شہید بننا چاہندے نیں: شیخ رشید
اسلام آباد(پاکستان پوائنٹ نیوز09۔جون2017ء) عوامی مسلم لیگ دے سربراہ شیخ رشید نے الزام لایا اے کہ میرے اُتے حملے پچھے شریف بردران نیں اوہ جے آئی ٹی خلاف سازش کرکے سیاسی شہید بننا چاہندے نیں پر اسیں سازش ناکام بنا دیواں گے جدکہ سپیکر قومی اسمبلی ایاز اصادق نے واقعے دا نوٹس لےندے ہوئے ملک نور اعوان نوں پاس جاری کرن اُتے ڈپٹی سپیکر مرتضی جاوید عباسی توں وضاحت منگی اے۔
شیخ رشید نے جمعے نوں میڈیا نال گل بات کردے ہوئے آکھیا کہ ارکان پارلیمنٹ غیر محفوظ نیں تے اوہناں دی جان نوں خطرا ے پر حکومت ٹس توں مس نہیں ہو رہی۔
حکومت آپ وی مخالفاں نوں ڈران دھمکان وچ ملوث اے۔ عوامی مسلم لیگ دے سربراہ نے آکھیا کہ میرے اُتے حملا کرن والے کول پارلیمنٹ دا انٹری پاس تیک نہیں سی جو بعدوں
ڈپٹی سپیکر رمرضی جاوید عباسی ولوں بنایا گیا۔
سپیکر دے دفتر وچ تحریک استحقاق جمع کروا دتی اے تے ایہ تحریک استحقاق نہ لِتی گئی تے جاوید عباسی خلاف عدم اعتماد دی قرار دار منظور کیتی جائے گی۔
اوہناں نے آکھیا کہ اصل وچ ڈرامے دا مقصد مینوںڈرانا اے کہ سچ بولن توں باز آ جاﺅ پر میں مردے دم تیک سچ بولاں گا تے شریف برادران دا پچھا کردا رہواں گا کیونکہ اوہ جے آئی ٹی خلاف سازش تے احتساب توں فرار ہو رہے نیں پر اسیں اوہناں دیاں ساریاں سازشاں ناکام بنا دیواں گے۔
دوجے پاسے سپیکر ایاز صادق نے شیخ رشید تے ملک انور اعوان وچکار ہون والے واقعے دا نوٹس لےندے ہوئے ملک نور اعوان نوں پارلیمنٹ دا انٹری کارڈ جاری کرن اُتے ڈپٹی سپیکر مرتضی جاوید عباسی توں وضاحت منگ لئی اے۔