اسلام آباد(پاکستان پوائنٹ نیوز25۔مارچ2017ء) پاکستان الیکٹرانک میڈیا ریگولیٹری اتھارٹی (پیمرا) نے ٹیلی کمیونیکیشن کمپنی زونگ دے اشتہار اُتے پابندی لا دتی۔
تفصیل دے مطابق پیمرا ولوں ایہ پابندی اشتہار اندر اعتراض جوگ منظر وکھان کارن لائی گئی اے۔ پیمرا نے ایس توں پہلے وی لوکائی ولوں ملن والیاں شکایتاں اُتے زونگ تے
اوپو کمپنی نوں اپنے اشتہار ایڈٹ کرن دی ہدایت کیتی سی۔
پیمرا ولوں جاری ہدایتاں دے مطابق زونگ تے اوپو دے اشتہاراں وچ تبدیلی ہون تک ایہناں اشتہاراں نوں 22فروری مگروں آن ائر نہیں کیتا جائے گا۔
پر زونگ نے اپنے اوسے اشتہار نوں بغیر کسے بدلی دے ٹی وی اُتے آن ائر کیتا جہدے مگروں پیمرا نے ہن پابندی لا دتی اے۔