لاہور(پاکستان پوائنٹ نیوز25۔مارچ2017ء) پنجاب پولیس دی وردی خریداری وچ وی حکومت ولوں اپنیاں نوں نوازن دا انکشاف ہویا اے۔
تفصیل دے مطابق پنجاب حکومت نے پنجاب پولیس دی نویں وردی بنان دا ٹھیکا اپنی من پسند مل’نشاط ٹیکسٹائل ملز‘ نوں دے دِتا۔
نشاط ٹیکسٹائل ملز دا مالک میاں منشاوزیر اعظم نواز شریف دا قریبی دوست اے۔ وسیلیاں نے دسیا کہ پنجاب پولیس دی وردی بدلن اُتے کروڑاں رُپئے دا بجٹ رکھیا گیا اے۔
وسیلیاں دا کہنا اے کہ میاں منشا دی ٹیکسٹائل
مل نوں ٹھیکا دین توں پہلے کسے قسم دے قانون دا خیال نہیں رکھیا گیا جدکہ عام طور اُتے انج ہوندا اے کہ کسے وی کمپنی نوں ٹھیکا دین توں پہلے کئی کمپنیاں توں ریٹ لے کے میرٹ تے شرطاں اُتے پوریاں لتھن والیاں کمپنیاں نوں ای ٹھیکا دِتا جاند ااے پر ایتھے حکومت نے سارے قاعدے قانون پرانہ رکھدے ہوئے اپنی من پسند مل نوں وردی بنان لئی 83کروڑ دا ٹھیکا دِتا اے۔
ایس انکشاف مگروں ہن پنجاب پولیس دی وردی بدلی دے فیصلے اُتے وی سوال چُکے جا رہے نیں۔