لاہور(پاکستان پوائنٹ نیوز25۔مارچ2017ء) پنجاب یونیورسٹی انتظامیا نے ساریاں پڑھیار تنظیماں اُتے پابندی لا دتی۔ تفصیل دے مطابق پنجاب یونیورسٹی انتظامیا نے یونیورسٹی وچ ساریاں پڑھیار تنظیماں اُتے پابندی لا ن دے نال نال پڑھیاراں دیاں غیر سرکاری سرگرمیاں اُتے وی پابندی لا دِتی اے۔
میڈیا رپورٹس دے مطابق یونیورسٹی انتظامیا نے ایس سلسلے وچ کئی پابندیاں لان دا فیصلا کیتا
اے۔ یونیورسٹی وسیلیاں دے مطابق پڑھیاراں دی آوا جاوی لئی صرف گیٹ نمبر 1کھلا رہیا کرے گا جدکہ ہاسٹلز اندر رات 10وجے توں بعدجان دی اجازت نہیں ہووے گی۔
ایس توں وکھ ہاسٹلز وچ اجنبیاں دا داخلا روکن لئی اک بائیو میٹرک سسٹم لایا جائے گا۔ چیتے رہوے کہ کُجھ دن پہلے پنجاب یونیورسٹی وچ پڑھیار تنظیماں وچکار جھیڑا ہویا سی، جھیڑے دوران کئی درجن پڑھیار زخمی ہوگئے سن۔