قومی اسمبلی ٹی کینیڈا ٹی اسلامک سینیٹر آ دہشت گردی نا جلہو نا مذمت ، سانحہ ٹی 6بندغ نا شہیدی آ ڈکھ و است ہسونی نا درشانی، ٹھپی تا زوت جان جوڑی کن دعا
اسلام آباد(پاکستان نیوز پوائنٹ 01 فروری2016ء) قومی اسمبلی کینیڈا ٹی اسلامک سینٹر آ دہشت گردی نا جلہو نا مذمت و سانحہ ٹی 6بندغ نا شہیدی آ ڈکھ و است ہسونی نا درشانی ءِ کرینو، ایوان اٹی ٹھپی تا زوت جان جوڑی کن ہم دعا کننگا۔
چارشنبے آ قومی اسمبلی نا دیوان اٹی بنجائی وزیر کانود زاہد حامد قرارداد پیش کرسا پارے کہ دا ایوان 29جنوری آ کینیڈا نا اسلامک
سینٹر آ دہشت گردی نا جلہو نا مذمت و داجلہو اٹی شش بندغ نا شہیدی آ ڈکھ و است ہسونی نا درشانی ءِ کیک و ٹھپی تا زوت جان جوڑی کن دعا کیک۔
اوپاریر کہ دا ایوان کینیڈ انا حکومت و الس تون یکجہتی نا درشانی ءِ کیک۔ قرارداداٹی کینیڈین وزیراعظم جسٹن ٹروڈو نا کنڈآن دہشت گردی نا جلہو نا مذمت و غٹ مذہب آتا رکھ انا عزم آ اوفتا منت واری ءِ ادا کیک۔