وزیر مملکت اطلاعات ، نشریات و قومی میرات مریم اورنگزیب نا میڈیا تون ہیت وگپ

اسلام آباد(پاکستان نیوز پوائنٹ 31جنوری2016ء) وزیر مملکت اطلاعات ، نشریات و قومی میرات مریم اورنگزیب پارینے کہ عمران خان نا دروغ انا دوبہ غاتا ورندی ءِ تننگ و قوم ءِ سچ پاننگ ننا فرض ءِ، پاناما کیس ہندن ہندن مون آ ہنسا کننگ ءِ، عمران خان نا یات داشت جواب ترسا ہِننگ ءِ، کیس انا فیصلہ بننگ اسکان عمران خان ذہنی وڑاٹ لاعلاج مریک ، عمران خان و جہانگیر ترین سڑک نا داکنڈالیکشن کمیشن اٹی استثنیٰ خوائنگ ءُ، وزیراعظم محمد نواز شریف استحقاق نا حق مننگ نا باوجود مسہ نسل آتا حساب ءِ تننگءِ

، وزیراعظم فیصلہ کرینے کہ او عمران خان نا دروغ انا دوبہ غاتیان سرسہب مریک انتئے کہ او 2018ء نا گچین کاری تیٹی دا دوبہ غاتے ہلسا الس نا عدالت اٹی ہِننگ خواپک، عمران خان الیکشن کمیشن اٹی تینا زی آ خلوک دوبہ غاتا ورندی ءِ تننگ کن تیار اف۔

سے شنبے آ داڑے میڈیا تون ہیت وگپ کرسا وزیر مملکت پارے کہ عمران خان نا دروغ آن الس ءِ باخبر کننگ المی ءِ ۔ اوپارے کہ وزیراعظم محمد نواز شریف یا اونا وکیل اس عدالت نا دائرہ اختیار ءِ چلینج کروئی مسکہ تو دا حق اودے دوئی ئس ولے اوداوڑ کتوس۔