اسلام آباد ءِ نوکیں بالی پٹ ءَ درستیں آسراتی ءِ گوں حقیقی ماناءَ نوکیں ایئر پورٹ ءِ پڑءَ سرجم بہ کن ات مزن وزیر محمد نواز ریف ءِ نوکیں اسلام آباد ایئر پورٹ ءِ جوڑ ءُُ جاڑی ءِ ھوالہ ءَ مراگش ءَ تران
اسلام آباد(پاکستان نیوز پوائنٹ 14نومبر2016ء) مزن وزیر محمد نواز شریف ءَ پنت ءُُ شون کرتگ انت کہ اسلام آباد ءِ نوکیں بالی پٹ ءَ درستیں آسراتی ءِ گوں حقیقی مانا ءَ نوکیں ایئر پورٹ ءِ وڑ ءَ سرجم بہ کن ات۔
ایشیءِ تزئین ءُُ آرائش ءَ مئے دود ءُُ ربیدگ ءِ ہم ھاسیں وڑءَ عکاسی بوھگ لوٹیت۔ آئی ءَ اے پنت ءُُ شون دو شمبے ءَ مزن وزیر گِس ءَ نوکیں اسلام آباد ایئر پورٹ ءِ جوڑ ءُُ جاڑی ءِ ھوالہ ءَ یک مراگش ءِ پاگواجہی کنگءَ برجاہ کرتگ۔
مز ن وزیر ءَ اسلام آباد ایئر پورٹ ءِ ڈیزائن ، رابطہ سڑک ءُُ انیٹریئر ڈیزائننگ ءِ باروا آگاہ کرت انت۔
مزن وزیر ءَ پنتءُُ شون کرتگ کہ نوکیں بالی پٹ ءَ آسان ءُُ تیز تر پجارینگءِ یقینی جوڑ کنگ ءِ ھاترءَ شریں رابطہ سڑک جوڑ بہ کن ات۔
آئیءَ گشتگ کہ اے وتی تہی تزئینءُُ آرائیش ءَ مئے دود ءُُ ربیدگ ءِ ھاسیں عکاسی ءِ گواچی یک نوکیں ایئر پورٹ بوھگ لوٹیت۔
مزن وزیر ءَ گشتگ کہ مئے ملک ءِ دارالحکومت بجا وڑ ءَ یک انچیں ایئر پورٹ ءِ متقاضی انت کہ آ درستیں دگنیا ءَ یک ہم نوکیں ایئر پورٹ ءِ ھاسیں پلہ بہ بیت مراگش ءَ سیکرٹری خزانی، سیکرٹریءُُ ڈیجی ہوا بازی، چیئر مین این ایچ اے، میئر اسلام آباد ءُُ سینئر سرکاری حکام آں بہر زرت انت