سی پیک درستیں ملک ءِ ھاتر ءَ انت آئی ءَ خطہءِ تقدیر بدل بیت، مولانا عبدالغفور حیدری

مانسہرہ(پاکستان نیوز پوائنٹ 14نومبر2016ء) جمعیت علماء اسلام ءِ مرکزی سیکرٹری جنرل ءُُ ڈپٹی چیئر مین سینیٹ مولانا عبدالغفور حیدری ءَ گشتگ انت کہ چین مئے دوست ملک انت ۔

سی پیک درستیں ملک ءِ ھاتر ءَ انت آئیءَ خطہ ءِ تقدیر بدل بیت۔ سی پیک دژمن آں ہضم نہ بوھگ ءَ انت سی پیک ءَ پاکستان درستیں دگنیا ءَ واپاری ترندیئِجاہ جوڑ بیت۔

آ دو شمبے ءَ مانسہرہ ءَ نوں ءَ چہ جمعیت علماء اسلام ءَ ھوار بوؤکیں گوست صوبائی وزیر حاجی حبیب الرحمن تنولی ءِ گِس ءَ ناروش ءَ تران کنگءَ ات۔

دیوان ءِ پاگواجہی جمعیت علماء اسلام ضلع مانسہرہ ءِ امیر ءُُ گوست سینیٹر مولانا سید ہدایت اللہ شاہ ءَ کرتگ۔ دیوان ءَ جمعیت علماء اسلام ءِ راھشون مولانا امجد خان لاہوری، گوست بناجہی وزیر الحاج سید قاسم شاہ، قاضی خلیل احمد، شاہجہان خان ایڈووکیٹ، باسک ضلع کونسل ملک نوید جمعیت علماء اسلام ءِ صوبائی راھشون ءُُ دِگہ بازیں جمعیت علماء اسلام

ءِ کارندہ ھوار ات انت۔

آئی ءَ گشتگ کہ جمعیت علماء اسلام ءِ پالیسی منتگ انتکہ استعمار ءِ جاہ ءَ چینءِ گوں دوستی بہ بیت۔ آئی ءَ گشتگ کہ ماں اے ملک ءَ اسلامی ملک جوڑ کنگ لوٹاں ماں اے ملک ءَ غیر اسلامی بل ءَ یل دات نہ کن انت پنجاب اسمبلی ءَ زالبول آنی حق ءِ نام ءَ اسلامی بل آتگ ات گڑا قائد جمعیت مولانا فضل الرحمنءَ اے غیر اسلامی بل ءِ سک لبز ءَ زار شانی کرتگ آئی ءِ سرا پنجاب حکومت ءَ غیر اسلامی بل ءَ چیر داتگ ءُُ غیر اسلامی بل پاس نہ کرتگ آئی ءَ گشتگ کہ نوکیں پاکستان جوڑ کنوک صوبہ خیبرپختونخوا ءَ نوک نہ کرت انت ءُُ صوبہ ءَ نا کار بوتگ انت دھرنا والا ءِ ردا دھرن بوتگ انت جمعیت علماء اسلام اپریل 2017ءَ پشاور ءَ یک میاں استمانی اجتماع اڈ دئیگ ءَ انت آئی ءَ 50لکھ اُلس بہر زوریت ءُُ درسیں کارندہ اے کانفرنسءِ سر سوبی ءِ ھاتر ءَ شپ ءُُ روچ محنت بہ کن انت اے میاں استمانی اجتماع پاکستانءِ سیاسی ءِ رخ بدل کنت۔