وزارت ڈٹ بندی و شونتری کیہی وزارت و ڈویژن آتا شونداری ڈٹ آتے کن اسہ کھرب 10ارب روپئی جاری کرے

اسلام آباد(پاکستان نیوز پوائنٹ 03 اکتوبر2016ء) وزارت ڈٹ بندی و شونتری اینخو مالی سال 2016-17ء نا سرکاری بشخ انا شونداری پروگرام آتیٹی کیہی وزارت و ڈویژن آتا شونداری ڈٹ آتے کن جمی وڑاٹ اسہ کھرب 10ارب 44کروڑ 82لکھ روپئی آن زیات نا فنڈز جاری کرینے۔

حکومت اینخو مالی سال اٹی سرکاری بشخ انا شونداری پروگرام تے کن 8کھرب روپئی نا فنڈز جتا کرینے۔ پلاننگ کمیشن نا کنڈآن جاری کروک آ حساب وکتاب نا رداٹ حکومت ایوی ایشن ڈویژن کن اسہ کروڑ 69لکھ، کابینہ ڈویژن کن 8کروڑ 60لکھ، کیپیٹل ایڈمنسٹریشن اینڈ ڈویلپمنٹ ڈویژن کن 63کروڑ 19لکھ، ڈیفنس پروڈکشن ڈویژن کن 46کروڑ، فیڈرل ایجوکیشن اینڈ پروفیشنل ٹریننگ ڈویژن کن 33کروڑ 97لکھ، فنانس ڈویژن کن 51کروڑ ، ہائر ایجوکیشن کمیشن کن 4ارب29کروڑ، ہاؤسنگ اینڈ ورکس ڈویژن کن

اسہ ارب 82کروڑ، داخلہ ڈویژن کن 2ارب 64کروڑ، جان جوڑی نا آسراتی ءِ گچین جوڑ کننگ کن 5ارب 50کروڑ، پاکستان اٹامک انرجی کمیشن کن 2ارب 70کروڑ، ڈٹ بندی ڈویژن کن 2ارب 15کروڑ، نیشنل ہائی وے اتھارٹی کن 18ارب 88 کروڑ، واپڈا پاور سیکٹر کن 6کروڑ 92لکھ، اے جے کے بلاک کن 2ارب 75کروڑ، گلگت بلتستان بلاک کن 4ارب50کروڑ، سیفران فاٹا کن 4ارب 13کروڑ، ایرا کن 80کروڑ و بنجائی حکومت نا عارضی وڑاٹ بے اُرا مروک آبندغ آتا بحالی کن 41ارب 22کروڑ و پرائم منسٹر یوتھ اینڈ ہنر مند پروگرام کن 1ارب 41کروڑ، پٹرولیم و قدرتی وسیلہ ڈویژن کن 5کروڑ، پورٹس اینڈ شپنگ ڈویژن کن 25کروڑ تون اوار کیہی شونداری ڈٹ آتے کن فنڈز جاری کرینے۔

پلاننگ کمیشن اسہ خاص ءُ وڑوڈول اسے نا رداٹ سرکاری بشخ انا کیہی شونداری ڈٹ آتے کن فنڈز جاری کننگ ءِ۔