میڈیا ءِ ایل او سی نا دورہ کرفسا بھارتی سرجیکل اسٹرائیک نا حقیقت ءِ دنیا ءِ نشان تسن، سینیٹر لیفٹیننٹ جنرل (ر) عبدالقیوم

اسلام آباد(پاکستان نیوز پوائنٹ 03 اکتوبر2016ء) پاکستان مسلم لیگ (ن) نا سینیٹر لیفٹیننٹ جنرل (ر) عبدالقیوم پارینے کہ بھارت نا کنڈآن سرجیکل سٹرائیک نا بیان احساس کمتری نا نتیجہ ءِ ۔

ریڈیو پروگرام اٹی ہیت وگپ کرسا اوپارے کہ بھارت اٹی ہر برسراقتدار بروک آ حکومت نا کنڈآن اہم بیان پاکستان آ جلہو مریک و داوخت انا حکمران جماعت بی جے پی نا سروک نریندر مودی نا کڑد آر ایس ایف نا کڑد ءِ و اونا کنڈآن سرجیکل سٹرائیک نا بیان احساس کمتری ءِ ظاہر کیک ہرانا بھلا سوب مقبوضہ کشمیر اٹی بھارت نا کنڈآن کروک آ انسانی حق پامالی تیان دنیا نا توجوہ ءِ اسہ پلو کننگ نا ءِ انتئے کہ انسانی حق انا جہانی تنظیمک و او آئی سی داہیت انا پڑو ءِ کرینے کہ کشمیر اٹی کروک آ ظلم انا رپورٹ ءِ جہانی برادری نا مون آپیش کروئی مرے، اوکان گڈ بھارت اوڑی کون آ واقعہ نا ڈھونگ ءِ رچائفے ہراٹی بے سہبی

تون مون تروئی تما و دمدستی گڈ پاکستان اٹی سرجیکل اسٹرائیک نا بیان جاری کرے۔

جنرل عبدالقیوم پارے کہ نن اودے ہم دروغ ثابت کرین و پاکستانی میڈیا ءِ ایل او سی نا دورہ کرفسا شاہدی پیش کرسا حقیقت ءِ دنیا ءِ نشان تسن۔

اوپارے کہ داسا بھارت نا میڈیا تینا حکومت آن سرجیکل سٹرائیک نا شاہدی خواہک۔ سینیٹر عبدالقیوم پارے کہ کشمیر نا ویل داوڑنا ہتھکنڈہ غاتیان ایسر مننگ والا اف اودے اواری اٹ تولسا اقوام متحدہ نا قرارداد آتا رداٹ ایسر کروئی مریک۔

اوپارے کہ جہانی برادری باخبر ءِ و دا چاہسونے کہ بھارت مقبوضہ کشمیراٹی اخس مسلمان تے شہید، ٹھپی و نابینا کرینے و پاکستان دہشت گردی نا برخلاف جنگ اٹی اخس قربانی تسنے۔

اوپارے کہ کشمیر نا ویل ایسر ہم مرے تو ننے تینا مفادات آتا رکھ ءِ کرسا بھارت آ پت کروئی مف انتئے کہ بھارتی سروک نا ذہنیت بدل مننگ کپک۔