پاک فضائیہ ءِ سروک ایئر چیف مارشل سہیل امان ءِ ائیر ٹیک کانفرنس ءُُ ٹیکنو شو ءِ بنگیجی مراگش ءَ گشتانک

اسلام آباد(پاکستان نیوزپوائنٹ 07دسمبر2017ء) پاک فضائیہ ءِ سروک ایئر چیف مارشل سہیل امان ءَ جے ایف 17 تھنڈر ءَ را راجی شرپ ءِ براھی چیدگ نامینان ءَ گوشت کہ پاک فضائیہ وت مستری ءِ سپر ءَ جاڑی دار ایت تانکہ مئے دیمپانی ازم ءِ تہءَ گیشی بہ بیت، پاکستنای اُلس ءُُ سلاھ بندیں اُرد آں ناشرکاری ءِ ھلاپ ءَ جنگ سک باز دلیری ءُُ دلبڈی ءَ دیم پہ دیمی کتگ ءُُ اے جنگ ءَ سک باز کربانی داتگ ایشیءِ سبب ءَ ملک ءَ چہ ناشرکاری زوت دل یکیمی ھلاس بوتگ۔

آ پنچ شمبے ءِ روچ ءَ ائیر یونیورسٹی اسلام آباد ءِ

چیر دستی ءَ ائیر ٹیک کانفرنس ءُُ ٹیکنو شو ءِ بنگیجی مراگش ءَ گشتانک دیان ات۔

ائیر یونیورسٹی ءِ وائس چانسلر ائیر وائس مارشل (ریٹائرڈ) فائز امیر ھم اے موہ ءَ ساڑی ات۔ کانفرنس ءِ بنگیجی سیشن ءَ گشتانکار آں سائنس ءُُ ٹیکنالوجی ءِ بازیں بھر آنی سرءَ ھیال ریچی کت۔

پاک فضائیہ ءِ سروک ائیر چیف مارشل سہیل امان ءَ اے موہ ءَ گشتانک دات ءُُ گوشت کہ مئے ورنا آنی تہءَ بازیں ازمکاری است ایشیءِ بدولت ءَ مئے آیوکیں باندات سہرا اِنت۔ مئے ورنا آناں ایوکءَ جوانیں رھشونی ءِ پکار اِنت۔