توکی کارانی وزیر احسن اقبال ءَ گوں متحدہ عرب امارات ءِ سفیر حمد عبید ابراہیم سالم الزابی ءِ گند ءُُ نند توکی کارانی وزیر احسن اقبال ءَ گوں متحدہ عرب امارات ءِ سفیر حمد عبید ابراہیم سالم الزابی ءِ گند ءُُ نند، اقتصادی ءُُ سکیورٹی کمک ءِ بابت ءَ جیڈھ آنی سر ءَ ھیال ریچی

اسلام آباد(پاکستان نیوزپوائنٹ 07دسمبر2017ء) توکی کارانی وزیر پروفیسر احسن اقبال ءَ گوں متحدہ عرب امارات ءِ سفیر حمد عبید ابراہیم سالم الزابی ءَ گند ءُُ نند کت ایشی ءِ تہءَ پاکستان ءُُ متحدہ عرب امارات ءِ نیام ءَ اقتصادی ءُُ سیکورٹی کمک ءِ بابت ءَ جیڈھ آناں باست ءُُ واست کنگ بوت۔

توکی کارانی وزیر ءَ گوشت کہ پاکستان ءُُ متحدہ عرب امارات ءِ نیام ءَ کوھنیں ءُُ راجدپتری یکوئی ءُُ اقتصادی کمک ءِ بنیات ءِ سرءَ انت۔

آئیءَ گوشت کہ اقتصادی کمک وت مہہ وتی یکوئی ءِ را گیش مھکم کنگ ءَ کلیت ءِ بستار ءَ دار ایت۔ توکی کارانی وزیر ءَ گوشت کہ گوستگیں چار سال آنی تہءَ 10,000میگاواٹ توان ءِ شوبگ ءَ ھوار بوتگ، گوزوکیں سال ءَ ما 6درسد نمبگ ءَ سر بوھگ ءَ

کامیات باں۔

آئیءَ گوشت کہ پاکستان ءِ 80ملین ءِ آباتی نیامی درجگ ءِ مردم آنی سرءَ اِنت ایش سرمایہ کار آنی دلگوش انت، مئے آیوکیں باندار ءِ دار ءُُ مدار آیوکیں باھند آنی علمی دیمروئی ءِ سرءَ اِنت۔

آئی ءَ گوشت کہ سی پیک آیوکیں وھد ءَ پڑ ءَ وت مہ وتی ءِ رابطہ ءِ وسیلگ بیت۔ وزیر ءِ توکی کار ءَ گوشت کہ متحدہ عرب امارات ءِ گوما رابطہ ءَ را اقتصادی کمک ءِ نوکیں جھت آنی سر ءَ مھکم کنگ ءِ واھشت مند اِنت۔

گند ءُُ نند ءَ سیکورٹی کمک ءَ را گیش زور دیگ ءِ واستہ کوشست کنگ ءِ سرءَ ھم تپاک کنگ بوتگ۔ متحدہ عرب امارات ءِ سفیر ءَ سی پیک ءُُ اقتصادی کار آنی ھوالگ ءَ وزیر ءِ توکی کار ءُُ منصوبگ بندی ءِ اِزمت آناں ساڑات ءُُ ایشانی توسیپ کت۔