مزن وزیر شاہد خاقان عباسی ءَ گوں کیڈٹ کالج قلعہ سیف الله ءِ نودربر آنی گند ءُُ نند
اسلام آباد (پاکستان نیوزپوائنٹ 07دسمبر2017ء) مزن وزیر شاہد خاقان عباسی ءَ چار شمبے ءِ روچ ءَ ادا مزن وزیر کارگس ءَ کیڈٹ کالج قلعہ سیف اللہ ءِ نودربر آں گوں گند ءُُ نند کت، اے گند ءُُ نند مزن وزیر ءِ نیمگ ءَ ورنا آنی ٹوھیں کارگس آنی تر ءُُ تاب کنگ ءِ دلگوش کنگ ءِ گامگیج ءِ بھر اِنت۔
مزن وزیر ءَ نودربر آناں آوانی وانگ ءُُ زانگ، دزگٹی ءُُ واھگ ءِ کار آنی بابت ءَ سرپدی زرت
ءُُ جمہوری ادارگ آنی کار رپک ، پارلیمان ءِ کرد ءُُ شہری آنی نیمگ ءَ زمہ واری آنی بابت ءَ جست ءُُ پسو دات اَنت۔
نودربر آں مزن وزیر کارگس ءِ تر ءُُ تاب ءِ موہ پُجارینگ ءِ سر ءَ مزن وزیر ءِ شگر گپت ءُُ گوشت کہ ایشی ءَ چہ ایشاناں حکومت ءِ کار رھبند ءَ را پھمگ ءَ ٹوھیں سرپدی رستگ۔
مزن وزیر ءَ استیں وھد ءَ نودربرانی اے رنگیں بازیں ڈل آں گوں گند ءُُ نند کتگ انت۔