الیکشن کمیشن اٹی رجسٹرڈ سیاسی جماعت آتا بابت دلچسپ حساب و کتاب مون آ بس۔ سنی اتحاد کونسل و جمہوری وطن پارٹی داسا ہم کذیت کروک آ بندغ وخت اس کہ مسلم لیگ (ن) نا وزیراعلیٰ بلوچستان نواب ثناء اللہ زہری نا پن آن بلوچستان نیشنل ڈیموکریٹک پارٹی رجسٹرڈ ءِ ، مسلم لیگ نا کیہی پن تے اٹ 21جماعت، پیپلزپارٹی نا پن اٹ 6جماعت رجسٹرڈ ءُ

اسلام آباد(پاکستان نیوز پوائنٹ 31اگست 2016ء) الیکشن کمیشن اٹی رجسٹرڈ سیاسی جماعت آتا بابت دلچسپ حساب وکتاب مون آ بسنے، سنی اتحاد کونسل وجمہوری وطن پارٹی داساہم کذیت کروک آ بندغ آتا پن وخت اس کہ مسلم لیگ (ن) اٹی کیہی سال مست شمولیت اختیار کروک آ ساڑی آ وزیراعلیٰ بلوچستان نواب ثناء اللہ زہری نا پن اٹ بلوچستان نیشنل ڈیموکریٹک پارٹی اینو ہم رجسٹرڈ ءِ ، متحدہ مجلس عمل، نیشنل الائنس، ملت پارٹی، پیپلز پارٹی پارٹی پیٹریاٹ بیدس چیئرمین یا صدر نا کمیشن اٹی رجسٹرڈ ءُ۔

کمیشن نا ذرائع نا رداٹ داوخت آ الیکشن کمیشن تون 327 جماعت باقاعدہ رجسٹرڈ ءُ واہم اوفتے آن پارلیمانی جماعت آتا کچ صرف 16نا ایب وکیب ءِ۔

مسلم

لیگ نا کیہی پن تے اٹ 21جماعت رجسٹرڈ ءُ، پیپلز پارٹی نا پن اٹ 6جماعت رجسٹرڈ ءُ، سندھ نیشنل فرنٹ مسلم لیگ (ن) نا ضم مننگ نا باوجود داوخت آ ہم رجسٹرڈ ءِ۔

سندھ ڈیموکریٹک الائنس نا چیئرمین امتیاز احمد شیخ مست فنکشنل لیگ و داسا پیپلز پارٹی ٹی اوار مسنے۔ واہم او ہم اونا پن اٹ رجسٹرڈ ءِ۔

طلال اکبر بگٹی نا کذیت نا باوجود جمہوری وطن پارٹی و صاحبزادہ فضل کریم نا پن اٹ سنی اتحاد کونسل داوخت آ ہم رجسٹرڈ ءِ۔

تحریک انصاف اٹی باضابطہ ضم مننگ نا باوجود السی جمہوری اتحاد صوابی الیکشن کمیشن اٹی رجسٹرڈ ءِ۔ حاجی گلزار اعوان پیپلز پارٹی ٹی اوار مسنے واہم اونا پن اٹ پاکستان امن پارٹی داوخت آ ہم رجسٹرڈ ءِ۔